ຕອນທ່ຽງຂອງວັນທີ 20 ກັນຍາ 2026 ທີ່ຜ່ານມາ, Umoney ໄດ້ຮັບກຽດຂຶ້ນຮັບ ລາງວັນຊະນະເລີດ ໝວດນະວັດຕະກຳດີຈິຕອນ (Digital Innovation) ຈາກເວທີ Lao Digital Award 2026 ຢ່າງສົມກຽດ, ເຊິ່ງເປັນການຢັ້ງຢືນເຖິງຄວາມໄວ້ວາງໃຈ ແລະ ຜົນສຳເລັດໃນຖານະຜູ້ນຳດ້ານບໍລິການທາງດ້ານນະວັດຕະກໍາການເງິນດີຈິຕອນໃນ ສປປ ລາວ.
ລາງວັນດັ່ງກ່າວສະທ້ອນໃຫ້ເຫັນເຖິງວິໄສທັດຂອງ Umoney ທີ່ມຸ່ງໝັ້ນນຳໃຊ້ນະວັດຕະກຳເຂົ້າມາຂັບເຄື່ອນເສດຖະກິດດີຈິຕອນ ຜ່ານລະບົບນິເວດການເງິນທີ່ຄອບຄຸມ. ພວກເຮົາໄດ້ປ່ຽນແປງຮູບແບບການໃຊ້ຈ່າຍໃນຊີວິດປະຈຳວັນໃຫ້ສະດວກສະບາຍຂຶ້ນ ບໍ່ວ່າຈະເປັນການໂອນເງິນ, ຊຳລະຄ່າສິນຄ້າ, ການຝາກເງິນປະຈຳ, ລວມເຖິງການຮ່ວມມືກັບພັນທະມິດລະດັບຊາດ ແລະ ສາກົນ ເພື່ອຮອງຮັບການຊຳລະຄ່າໂດຍສານ ແລະ ການເຮັດທຸລະກຳຂ້າມພົມແດນ.
ທີມງານ Umoney ທຸກຄົນຂໍສະແດງຄວາມຂອບໃຈມາຍັງ ຄະນະກຳມະການ, ບັນດາລູກຄ້າ ແລະ ພັນທະມິດທາງທຸລະກິດທຸກພາກສ່ວນ. ລາງວັນຊະນະເລີດນີ້ ຄືແຮງຜັກດັນອັນສຳຄັນ ທີ່ເຮັດໃຫ້ພວກເຮົາສືບຕໍ່ສ້າງບໍລິການໃໝ່ໆ ທີ່ຕອບໂຈດຜູ້ຊົມໃຊ້ຍຸກດີຈິຕອນຢ່າງແທ້ຈິງ.
Umoney ພວກເຮົາສັນຍາວ່າຈະນຳເອົາເຕັກໂນໂລຊີທີ່ກ້າວໜ້າທີ່ສຸດ ເພື່ອມອບປະສົບການທາງການເງິນທີ່ດີທີ່ສຸດໃຫ້ກັບຄົນລາວຕະຫຼອດໄປ.
