ເນື່ອງໃນໂອກາດ ວັນບໍລິການສາທາລະນະແຫ່ງສະຫະປະຊາຊາດ (United Nations Public Service Day) ເຊິ່ງກົງກັບວັນທີ 23 ມິຖຸນາ ຂອງທຸກໆປີ, ນີ້ຄືວາລະສຳຄັນລະດັບສາກົນທີ່ຈັດຂຶ້ນເພື່ອຍົກຍ້ອງ ແລະ ສະເຫຼີມສະຫຼອງຄຸນງາມຄວາມດີ ຂອງບຸກຄະລາກອນໃນຂະແໜງການບໍລິການສາທາລະນະ ຂອງ (ພະນັກງານລັດຖະກອນ) ຜູ້ທີ່ເສຍສະຫຼະ ແລະ ອຸທິດຕົນເພື່ອພັດທະນາສັງຄົມ ແລະ ປະເທດຊາດ ໃຫ້ມີຄວາມຈະເລີນກ້າວໜ້າ
ວັນບໍລິການສາທາລະນະແຫ່ງສະຫະປະຊາຊາດ ຖືກກຳນົດຂຶ້ນໂດຍ ອົງການສະຫະປະຊາຊາດ (UN) ຜ່ານມະຕິຕົກລົງ 57/277 ໃນປີ 2002 ໂດຍມີຈຸດປະສົງຫຼັກເພື່ອ:
ເຊີດຊູກຽດ ແລະ ຄຸນງາມຄວາມດີຂອງພະນັກງານລັດຖະກອນ ທີ່ເຮັດວຽກງານບໍລິການສາທາລະນະ ທີ່ມີຕໍ່ຂະບວນການພັດທະນາແບບຍືນຍົງ.
ສ້າງແຮງບັນດານໃຈໃຫ້ແກ່ເຍົາວະຊົນ ແລະ ຄົນຮຸ່ນໃໝ່ ຫັນມາສົນໃຈ ແລະ ເຂົ້າຮ່ວມເຮັດວຽກໃນຂະແໜງການພາກລັດ.
ໃນທຸກໆປີ, UN ຈະມີການມອບລາງວັນ UN Public Service Awards (UNPSA) ເພື່ອຍົກຍ້ອງນະວັດຕະກຳ ແລະ ການບໍລິການພາກລັດທີ່ດີເດັ່ນຈາກທົ່ວໂລກ.
ໃນຍຸກປັດຈຸບັນ, ວຽກງານບໍລິການສາທາລະນະບໍ່ໄດ້ຈຳກັດພຽງແຕ່ການເຮັດວຽກເອກະສານ ຫຼື ລະບຽບການແບບດັ້ງເດີມເທົ່ານັ້ນ, ແຕ່ແມ່ນ “ກົນໄກສຳຄັນ” ໃນການຂັບເຄື່ອນ ເປົ້າໝາຍການພັດທະນາແບບຍືນຍົງ (SDGs) ບໍ່ວ່າຈະເປັນ:
ການເຂົ້າເຖິງການປິ່ນປົວ ແລະ ການສຶກສາທີ່ມີຄຸນນະພາບຢ່າງເທົ່າທຽມ
ການຫັນປ່ຽນການບໍລິການພາກລັດໄປສູ່ລະບົບດິຈິຕອນ (E-Government) ເພື່ອຄວາມສະດວກ, ວ່ອງໄວ ແລະ ໂປ່ງໃສ
ການຮັບມືກັບການປ່ຽນແປງສະພາບອາກາດ, ການຄຸ້ມຄອງມົນລະພິດ (ເຊັ່ນ: PM 2.5) ແລະ ການຈັດການໄພພິບັດທາງທໍາມະຊາດ
ຂໍເຊີນຊວນທຸກພາກສ່ວນໃນສັງຄົມ ຮ່ວມສະແດງຄວາມຂອບໃຈ ແລະ ສົ່ງກຳລັງໃຈໃຫ້ແກ່ ພະນັກງານ-ລັດຖະກອນ, ແພດໝໍ, ຄູອາຈານ, ເຈົ້າໜ້າທີ່ປ້ອງກັນຊາດ-ປ້ອງກັນຄວາມສະຫງົບ, ຕະຫຼອດຮອດອາສາສະໝັກທຸກຄົນ ທີ່ເຮັດວຽກຢູ່ເບື້ອງໜ້າ ແລະ ເບື້ອງຫຼັງ ເພື່ອຜົນປະໂຫຍດສ່ວນລວມ ແລະ ຄວາມຜາສຸກຂອງປະຊາຊົນທຸກຄົນ
“ເພາະການບໍລິການສາທາລະນະທີ່ເຂັ້ມແຂງ ແລະ ມີປະສິດທິພາບ ຄືຮາກຖານອັນໝັ້ນຄົງຂອງການພັດທະນາປະເທດຊາດຢ່າງຍືນຍົງ”
#UNPublicServiceDay#ວັນບໍລິການສາທາລະນະແຫ່ງສະຫະປະຊາຊາດ#FM90
ພາບໂດຍ:AI
Lao Youth Radio FM90MHz
