ໃນຍຸກທີ່ໂລກເຕັມໄປດ້ວຍຄວາມວຸ່ນວາຍ ແລະ ຄວາມຂັດແຍ້ງທາງດ້ານການເມືອງລະຫວ່າງປະເທດ ຍັງມີດິນແດນຕອນເໜືອຂອງມະຫາສະໝຸດອັດລັງຕິກແຫ່ງໜຶ່ງທີ່ຍັງຄົງຮັກສາຄວາມສະຫງົບສຸກໄວ້ໄດ້ຢ່າງໜ້າອັດສະຈັນ ນັ້ນກໍຄື “ປະເທດໄອສະແລນ”(Iceland) ເຊິ່ງໄດ້ຮັບການຈັດອັນດັບຈາກບົດລາຍງານສາກົນໃຫ້ເປັນປະເທດທີ່ປອດໄພ ແລະ ມ່ວນຊື່ນສັນຕິພາບທີ່ສຸດໃນໂລກ ຕິດຕໍ່ກັນເປັນປີທີ 19 ຈາກສະຖາບັນເສດຖະກິດ ແລະ ສັນຕິພາບໃນດັດຊະນີສັນຕິພາບໂລກ.
4 ເຫດຜົນຫຼັກທີ່ເຮັດໃຫ້ “ໄອສະແລນ” ຢືນໜຶ່ງເລື່ອງຄວາມປອດໄພ
1. ບໍ່ມີມີກອງທັບປະຈຳການ ແລະ ອັດຕາການເກີດອາຊະຍາກຳຕໍ່າຫຼາຍ:
ເປັນປະເທດສະມາຊິກອົງການນາໂຕ ພຽງປະເທດດຽວທີ່ບໍ່ມີກອງທັບທະຫານປະຈຳການ ແລະ ເຈົ້າໜ້າທີ່ຕຳຫຼວດທີ່ນີ້ກໍບໍ່ຖືອາວຸດປືນຕິດຕົວໃນເວລາປະຕິບັດໜ້າທີ່ທຳມະດາ ນອກຈາກນີ້ ອັດຕາການເກີດອາຊະຍາກຳ ແລະ ເຫດການຄວາມຮຸນແຮງແມ່ນໜ້ອຍກວ່າປະເທດອື່ນໆ ໃນໂລກຢ່າງເຫັນໄດ້ຊັດເຈນ.
2. ຄວາມໄວ້ເນື້ອເຊື່ອໃຈກັນສູງໃນສັງຄົມ:
ວັດທະນະທຳ ແລະ ຄວາມຜູກພັນຂອງປະຊາຊົນໃນຊຸ່ມຊົນແມ່ນມີພະລັງຫຼາຍ ປະຊາຊົນມີຄວາມເຊື່ອໝັ້ນຕໍ່ລະບົບຂອງລັດຖະບານ ແລະ ຕໍ່ເພື່ອນບ້ານສູງ ເຮົາມັກເຫັນພາບພໍ່ແມ່ຊາວໄອສະແລນພາລູກຍ່າງຫຼິ້ນ ຫຼື ຈອດລົດເຂັນເດັກນ້ອຍນອນຫຼິ້ນຮັບອາກາດບໍລິສຸດໄວ້ໜ້າຮ້ານຄ້າຢ່າງສະບາຍໃຈ ໂດຍບໍ່ຕ້ອງຢ້ານເລື່ອງການລັກລອບ.
3. ຄວາມເທົ່າທຽມທາງເພດ ແລະ ສັງຄົມທີ່ກ້າວໜ້າ:
ປະເທດນີ້ໂດດເດັ່ນໃນລະດັບສາກົນເລື່ອງສິດທິຄວາມເທົ່າທຽມລະຫວ່າງຍິງ-ຊາຍ ລວມທັງເປັນມິດກັບກຸ່ມຄົນຫຼາກຫຼາຍທາງເພດຢ່າງແທ້ຈິງ ສິ່ງເຫຼົ່ານີ້ຊ່ວຍຫຼຸດຜ່ອນຄວາມຂັດແຍ້ງທາງສັງຄົມ ແລະ ສ້າງສະພາບແວດລ້ອມທີ່ທຸກຄົນສາມາດໃຊ້ຊີວິດໄດ້ຢ່າງເທົ່າທຽມ ແລະ ມີເສລີພາບ.
4. ຄວາມປອດໄພຈາກທຳມະຊາດ ແລະ ສິ່ງແວດລ້ອມ:
ເຖິງແມ່ນວ່າໄອສະແລນຈະມີພູມສັນຖານເປັນພູເຂົາໄຟ ແລະ ທຳມະຊາດທີ່ດິບເຖື່ອນ ແຕ່ສັດປ່າທີ່ເປັນອັນຕະລາຍຕໍ່ມະນຸດນັ້ນບໍ່ມີເລີຍ (ສັດທີ່ພົບສ່ວນໃຫຍ່ແມ່ນມ້າອັດສະລັງ, ແກະ ແລະ ນົກທະເລ) ເຮັດໃຫ້ນັກທ່ອງທ່ຽວທີ່ມັກການຍ່າງປ່າສາມາດທ່ອງທ່ຽວໄດ້ຢ່າງໝັ້ນໃຈ.
ແຫຼ່ງທີ່ມາ: Global Peace Index Report 2026
