ຫຼວງພະບາງລົງກວດກາປ້ຳນ້ຳມັນ ຕິດຕາມລາຄາຂາຍຍ່ອຍ ແລະ ຄຸ້ມຄອງມາດຕະຖານການຈຳໜ່າຍ

ພະແນກອຸດສາຫະກຳ ແລະ ການຄ້າ ແຂວງຫຼວງພະບາງ ຮ່ວມກັບເຈົ້າໜ້າທີ່ກວດກາການຄ້າ ແລະ ພາກສ່ວນກ່ຽວຂ້ອງ ລົງກວດກາ ແລະ ຕິດຕາມການຈຳໜ່າຍນ້ຳມັນເຊື້ອໄຟຕາມສະຖານີບໍລິການນ້ຳມັນຕ່າງໆ ພາຍໃນແຂວງຫຼວງພະບາງ ເພື່ອຮັບປະກັນການຈຳໜ່າຍເປັນໄປຕາມລາຄາທີ່ກະຊວງອຸດສາຫະກຳ ແລະ ການຄ້າກຳນົດ.

ການລົງກວດກາຄັ້ງນີ້ ມຸ່ງເນັ້ນການຕິດຕາມລາຄາຂາຍຍ່ອຍນ້ຳມັນ ໃຫ້ຖືກຕ້ອງຕາມແຈ້ງການຂອງກະຊວງ ພ້ອມກວດສອບຄວາມຖືກຕ້ອງຂອງຕູ້ຈ່າຍນ້ຳມັນ, ປະລິມານການຈຳໜ່າຍ ແລະ ມາດຕະຖານການໃຫ້ບໍລິການ ເພື່ອສ້າງຄວາມໂປ່ງໃສ ແລະ ປ້ອງກັນການສວຍໂອກາດປັບຂຶ້ນລາຄາເອງ ຫຼື ເອົາຮັດເອົາປຽບຜູ້ຊົມໃຊ້.

ນອກຈາກນີ້ ເຈົ້າໜ້າທີ່ຍັງໄດ້ແນະນຳຜູ້ປະກອບການປ້ຳນ້ຳມັນ ໃຫ້ປະຕິບັດຕາມລະບຽບກົດໝາຍ ແລະ ຂໍ້ກຳນົດຂອງຂະແໜງການຢ່າງເຄັ່ງຄັດ ພ້ອມຮັກສາມາດຕະຖານການບໍລິການໃຫ້ມີຄວາມຕໍ່ເນື່ອງ.

ຜ່ານການລົງກວດກາຕົວຈິງ ພົບວ່າໂດຍລວມ ປ້ຳນ້ຳມັນສ່ວນໃຫຍ່ໄດ້ເອົາໃຈໃສ່ປະຕິບັດຕາມແຈ້ງການ ແລະ ລະບຽບການທີ່ຂະແໜງການກຳນົດໄວ້. ເຈົ້າໜ້າທີ່ຈຶ່ງໄດ້ຢ້ຳໃຫ້ຜູ້ປະກອບການສືບຕໍ່ຮັກສາມາດຕະຖານດັ່ງກ່າວ ເພື່ອສ້າງຄວາມເຊື່ອໝັ້ນໃຫ້ແກ່ປະຊາຊົນ ແລະ ປົກປ້ອງສິດຜົນປະໂຫຍດຂອງຜູ້ບໍລິໂພກ.

ການກວດກາດັ່ງກ່າວ ຖືເປັນມາດຕະການສຳຄັນໃນການຄຸ້ມຄອງຕະຫຼາດນ້ຳມັນເຊື້ອໄຟ ໃຫ້ມີລະບຽບ, ໂປ່ງໃສ ແລະ ເປັນທຳ ພ້ອມສ້າງຄວາມໝັ້ນໃຈໃຫ້ຜູ້ຊົມໃຊ້ທົ່ວໄປ.

Related Articles

LEAVE A REPLY

Please enter your comment!
Please enter your name here

0FansLike
8,603FollowersFollow
0SubscribersSubscribe
- Advertisement -spot_img

Latest Articles