ຕອນບ່າຍວັນທີ 21 ຕຸລາ 2026 ທ່ານ ບຸນຈັນ ສີວົງພັນ ຫົວໜ້າຫ້ອງວ່າການສະພາແຫ່ງຊາດ ແລະ ຫົວໜ້າກອງເລຂານຸການກອງປະຊຸມ ໄດ້ຕາງໜ້າຄະນະປະຈຳສະພາແຫ່ງຊາດ ຖະແຫຼງຂ່າວຕໍ່ສື່ມວນຊົນ ກ່ຽວກັບຜົນສຳເລັດຂອງກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ (ສພຊ) ຊຸດທີ X ເຊິ່ງດຳເນີນຕັ້ງແຕ່ວັນທີ 5-21 ຕຸລາ 2026. ກອງປະຊຸມໄດ້ພິຈາລະນາ ແລະ ຮັບຮອງບັນຫາສຳຄັນພື້ນຖານຂອງປະເທດຊາດ ອອກເປັນມະຕິ 17 ສະບັບ.
ຜົນການລົງຄະແນນສຽງ: ສສຊ ໄດ້ລົງຄະແນນສຽງຮັບຮອງມະຕິ 17 ສະບັບ ດ້ວຍຄະແນນເຫັນດີ 90.96% ຂຶ້ນໄປ ເຊິ່ງມີມະຕິຮັບຮອງການເລືອກຕັ້ງປະທານສະພາແຫ່ງຊາດ ແລະ ນາຍົກລັດຖະມົນຕີ ດ້ວຍຄະແນນສຽງເປັນເອກະສັນ ແລະ ມະຕິອື່ນໆ
ມະຕິຮັບຮອງບົດລາຍງານ (7 ສະບັບ):
ບົດລາຍງານຂອງລັດຖະບານ ວ່າດ້ວຍການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປີ 2026 ແລະ ທິດທາງແຜນປີ 2027: 99.39%
ບົດລາຍງານອົງການກວດສອບແຫ່ງລັດ (ລວມຜົນກວດສອບບົດສະຫຼຸບຂາດຕົວງົບປະມານ ປີ 2025): 96.91%
ບົດລາຍງານອົງການກວດກາແຫ່ງລັດ: 99.38%
ບົດລາຍງານອົງການໄອຍະການປະຊາຊົນສູງສຸດ: 98.78%
ບົດລາຍງານສານປະຊາຊົນສູງສຸດ: 97.56%
ບົດລາຍງານສະພາແຫ່ງຊາດ: 100%
ບົດລາຍງານບັນຊີຢາເສບຕິດທີ່ເກືອດຫ້າມ ແລະ ສານເຄມີທີ່ຖືກຄວບຄຸມ: 97.51%
ມະຕິຮັບຮອງກົດໝາຍ 8 ສະບັບ:
ການປົກປ້ອງເງິນຝາກ (ສ້າງໃໝ່): 96.31%
ການຕ້ານ ແລະ ສະກັດກັ້ນອາຊະຍາກຳທາງໄຊເບີ: 98.17%
ການຄວບຄຸມເຄື່ອງດື່ມທີ່ມີທາດເຫຼົ້າ: 90.96% (ຕ່ຳສຸດ)
ການຈະລາຈອນທາງບົກ: 97.56%
ນາຍທະຫານກອງທັບປະຊາຊົນລາວ: 97.51%
ກຳລັງປ້ອງກັນຄວາມສະຫງົບປະຊາຊົນລາວ: 99.39% (ສູງສຸດໃນກຸ່ມກົດໝາຍ)
ການບິນພົນລະເຮືອນ: 97.56%
ລັດຖະບານ: 98.17%
ຂໍ້ມູນຈາກ: ຂ່າວຜູ້ແທນປະຊາຊົນ
