ປາດໂທ້! ສປປ ລາວ ຕິດທັອບ 10 ຂອງໂລກ ປະເທດທີ່ຄ່າອິນເຕີເນັດມືຖືຖືກທີ່ສຸດ

ຫຼາຍຄົນມັກຈະຈົ່ມວ່າເນັດບ້ານເຮົາໝົດໄວ ຫຼື ລາຄາແພງ, ແຕ່ຮູ້ບໍ່ວ່າເມື່ອທຽບໃສ່ລະດັບໂລກແລ້ວ, ຄ່າອິນເຕີເນັດມືຖື (Mobile Data) ຢູ່ ສປປ ລາວ ແມ່ນຈັດຢູ່ໃນເກນທີ່ຖືກຫຼາຍ!

ອີງຕາມຕາຕະລາງການຈັດອັນດັບ “World’s Cheapest and Most Expensive Mobile Internet”, ສປປ ລາວ ໄດ້ຖືກຈັດຢູ່ໃນອັນດັບທີ 10 ຂອງໂລກ ສຳລັບປະເທດທີ່ມີຄ່າອິນເຕີເນັດມືຖືຖືກທີ່ສຸດ.

ຄ່າອິນເຕີເນັດ 1 GB ຢູ່ລາວ ມີລາຄາສະເລ່ຍພຽງແຕ່ 0.08 ໂດລາສະຫະລັດ ເທົ່ານັ້ນ! ຖ້າທຽບກັບປະເທດເພື່ອນບ້ານ, ລາວເຮົາມີລາຄາສະເລ່ຍເທົ່າກັບ ຫວຽດນາມ ທີ່ຕິດອັນດັບທີ 9 (0.08 ໂດລາສະຫະລັດ).

ສຳລັບປະເທດທີ່ຄ່າອິນເຕີເນັດຖືກທີ່ສຸດໃນໂລກ ອັນດັບ 1 ແມ່ນ ຊີເຣຍ (Syria) ໃນລາຄາພຽງ 0.01 ໂດລາສະຫະລັດ ຕໍ່ 1 GB. ໃນທາງກົງກັນຂ້າມ, ປະເທດທີ່ຄ່າອິນເຕີເນັດແພງທີ່ສຸດໃນໂລກ ແມ່ນ ຕວກເມນິດສະຖານ (Turkmenistan) ເຊິ່ງມີລາຄາສູງເຖິງ 9.28 ໂດລາສະຫະລັດ ຕໍ່ 1 GB.

ແລ້ວລູກເພຈທຸກຄົນເດ ປັດຈຸບັນໃຊ້ເນັດຂອງເຄືອຂ່າຍໃດຢູ່? ໃຊ້ໂປຣໂມຊັນໃດ ແລະ ຄິດວ່າລາຄາອິນເຕີເນັດໃນບ້ານເຮົາໃນຕອນນີ້ ຖືກໃຈແລ້ວ ຫຼື ຍັງ?

ຂໍ້ມູນອ້າງອີງ: Broadband Genie

Related Articles

LEAVE A REPLY

Please enter your comment!
Please enter your name here

0FansLike
538,500FollowersFollow
0SubscribersSubscribe
- Advertisement -spot_img

Latest Articles