ພະແນກວັດທະນະທຳ ແລະ ການທ່ອງທ່ຽວແຂວງຫຼວງພະບາງ ແຈ້ງວ່າ ເສັ້ນທາງຂຶ້ນພູສີ ເບື້ອງຫໍພິພິທະພັນແຫ່ງຊາດຫຼວງພະບາງ ໄດ້ກັບຄືນມາເປີດໃຫ້ບໍລິການແລ້ວ ນັບແຕ່ ວັນທີ 9 ກັນຍາ 2026 ເປັນຕົ້ນໄປ.
ກ່ອນໜ້ານີ້ ພະແນກວັດທະນະທຳ ແລະ ການທ່ອງທ່ຽວແຂວງ ໄດ້ດຳເນີນການປັບປຸງ ຂັ້ນໄດທາງຂຶ້ນພູສີ ຈາກດ້ານໜ້າຫໍພິພິທະພັນ ຫາ ແທ່ນໂພ ເລີ່ມແຕ່ວັນທີ 3 ສິງຫາ 2026 ເປັນຕົ້ນມາ ເພື່ອໃຫ້ມີຄວາມສະດວກສະບາຍ, ສວຍງາມ ແລະ ປອດໄພສຳລັບນັກທ່ອງທ່ຽວ.
ປັດຈຸບັນ ການປັບປຸງໄດ້ສຳເລັດເປັນທີ່ຮຽບຮ້ອຍແລ້ວ ແລະ ເສັ້ນທາງດັ່ງກ່າວຈຶ່ງໄດ້ ເປີດໃຫ້ນັກທ່ອງທ່ຽວກັບຄືນມາໃຊ້ບໍລິການ.
ສະຖານທີ່: ພູສີ ເບື້ອງຫໍພິພິທະພັນແຫ່ງຊາດຫຼວງພະບາງ
ເປີດຄືນ: 9 ກັນຍາ 2026
ການປັບປຸງ: ຈາກດ້ານໜ້າຫໍພິພິທະພັນ ຫາ ແທ່ນໂພ
ທີ່ມາ: ໂທລະພາບແຂວງຫຼວງພະບາງ
