ອີງຕາມຂໍ້ມູນຫຼ້າສຸດຈາກສະຫະພັນພະຍາດຕຸ້ຍ (World Obesity Federation) ທີ່ໄດ້ເປີດເຜີຍໂດຍ Seasia Stats ສະແດງໃຫ້ເຫັນເຖິງຕົວເລກອັດຕາຄວາມສ່ຽງ ແລະ ບັນຫາສຸຂະພາບຂອງປະຊາກອນໃນພາກພື້ນອາຊຽນ ທີ່ກຳລັງຜະເຊີນກັບ “ພະຍາດຕຸ້ຍ” ເຊິ່ງມີຄວາມເຊື່ອມໂຍງໂດຍກົງກັບພຶດຕິກຳການກິນຢູ່ ແລະ ການອອກກຳລັງກາຍໃນຊີວິດປະຈຳວັນ.
ຈາກການຈັດອັນດັບອັດຕາພະຍາດຕຸ້ຍໃນ 11 ປະເທດອາຊຽນ ພົບວ່າມີຕົວເລກດັ່ງນີ້:
ອັນດັບ 1 ບຣູໄນ: 32.09% (ເປັນປະເທດດຽວໃນອາຊຽນທີ່ມີອັດຕາເກີນ 30%).
ອັນດັບ 2 ມາເລເຊຍ: 22.41%.
ອັນດັບ 3 ໄທ: 15.44%.
ອັນດັບ 4 ສິງກະໂປ: 13.97%.
ອັນດັບ 5 ອິນໂດເນເຊຍ: 11.52%
ອັນດັບ 6 ຟິລິບປິນ: 8.96%.
ອັນດັບ 7 ສປປ ລາວ: 8.32%.
ອັນດັບ 8 ມຽນມາ: 7.71%.
ອັນດັບ 9 ກຳປູເຈຍ: 4.50%.
ອັນດັບ 10 ຕີມໍ-ເລສເຕ: 2.41%.
ອັນດັບ 11 ຫວຽດນາມ: 2.04%.
ສຳລັບ ສປປ ລາວ ຂອງພວກເຮົາແມ່ນຈັດຢູ່ໃນອັນດັບທີ 7 ຂອງອາຊຽນ ມີຕົວເລກຢູ່ທີ່ 8.32% ເຖິງວ່າຈະຍັງບໍ່ສູງຫຼາຍເມື່ອທຽບກັບກຸ່ມປະເທດຜູ້ນຳຕາຕະລາງ ແຕ່ກໍເປັນສັນຍານເຕືອນໃຫ້ເຮົາຕ້ອງເລີ່ມຫັນມາໃສ່ໃຈເລືອກຮັບປະທານອາຫານທີ່ມີປະໂຫຍດ ແລະ ເພີ່ມການເຄື່ອນໄຫວຮ່າງກາຍໃຫ້ຫຼາຍຂຶ້ນ ເພື່ອປ້ອງກັນບັນຫາສຸຂະພາບໃນໄລຍະຍາວ.
ເຫັນຕົວເລກແບບນີ້ແລ້ວ ຢ່າລືມຮັກສາສຸຂະພາບ ກິນອາຫານໃຫ້ຄົບຫ້າໝູ່ ແລະ ອອກກຳລັງກາຍກັນແດ່ເດີ້ທຸກຄົນ!
ທີ່ມາ: Seasia Stats
Lao Youth Radio FM90MHz
