ກາຍເປັນກະແສຮືຮາໄປທົ່ວພູມິພາກອາຊຽນ! ເມື່ອ ສປປ ລາວ ປະກາດປິດດີລ (Deal) ຂະໜາດໃຫຍ່ ຄວ້າລິຂະສິດການຖ່າຍທອດສົດ “ບານໂລກ 2026” (FIFA World Cup 2026) ມາຄອບຄອງໄດ້ສຳເລັດ ພ້ອມປະກາດໃຫ້ພີ່ນ້ອງຊາວລາວໄດ້ “ເບິ່ງຟຣີຄົບທັງ 104 ນັດ”
1. “ຢູນີເທວ” ກັບການປະຕິວັດວົງການສື່ກິລາ
ຄວາມແປກໃໝ່ຂອງດີວໃນຄັ້ງນີ້ຄື ບໍລິສັດ ສະຕາ ໂທລະຄົມ (ຢູນີເທວ – Unitel) ຜູ້ໃຫ້ບໍລິການໂທລະຄົມມະນາຄົມອັນດັບ 1 ຂອງລາວ ເປັນຜູ້ເປີດໂຕເຈລະຈາກັບ FIFA ໂດຍກົງ ເຊິ່ງຖືເປັນການປ່ຽນຮູບແບບການຖືຄອງສິດສື່ກິລາຄັ້ງໃຫຍ່. ໂດຍແຟນບານຊາວລາວຈະໄດ້ຮັບຊົມການແຂ່ງຂັນຜ່ານແພລດຟອມ LaoTV ແລະ ໂທລະພາບດິຈິຕອນ
2. ຍອມຂາດທຶນໄລຍະສັ້ນ ເພື່ອກຳໄລໄລຍະຍາວ
ຢູນີເທວ ບໍ່ໄດ້ເບິ່ງບານໂລກເປັນພຽງ “ລາຍການກິລາ” ແຕ່ເບິ່ງມັນເປັນ “ຕົວລໍ້ທາງກົນລະຍຸດ” ເພື່ອຂັບເຄື່ອນອານາຈັກດິຈິຕອນ ໂດຍມີ 3 ແຜນການຫຼັກດັ່ງນີ້:
• ສົງຄາມດາຕ້າ (Data 4G/5G): ຍ້ອນເວລາການແຂ່ງຂັນຢູ່ທະວີບອາເມລິກາ ກົງກັບເວລາລາວໃນຊ່ວງ 23:00 ນະຄອນຫຼວງ ຫາ 11:00 ນະຄອນຫຼວງ ເຊິ່ງເປັນຊ່ວງເວລາທີ່ຄົນຢູ່ນອກເຮືອນ ຫຼື ກຳລັງເດີນທາງ. ການເບິ່ງຜ່ານແອັບພລິເຄຊັນ (Streaming) ຈະເຮັດໃຫ້ຍອດການໃຊ້ເນັດພຸ່ງສູງຂຶ້ນຢ່າງມະຫາສານ ເປັນໂອກາດທອງໃນການຂາຍແພັກເກັດອິນເຕີເນັດ.
• ການສ້າງ Digital Ecosystem (ລະບົບນິເວດດິຈິຕອນ): ເງື່ອນໄຂໃນການເບິ່ງຟຣີຄື “ຕ້ອງດາວໂຫຼດ ແລະ ລົງທະບຽນຜ່ານແອັບ LaoTV”. ນີ້ຄືການຊື້ຖານຂໍ້ມູນລູກຄ້າ (Database) ທີ່ຄຸ້ມຄ່າທີ່ສຸດ. ເມື່ອລູກຄ້າເຂົ້າມາຢູ່ໃນມືແລ້ວ ຢູນີເທວ ກໍພ້ອມທີ່ຈະຂາຍບໍລິການອື່ນໆຕໍ່ທັນທີເຊັ່ນ: ກະເປົ໋າເງິນດິຈິຕອນ uMoney ຫຼື ແອັບໂຊຊຽວ LaoApp.
• ຜູກຂາດສິດການສາຍໃນບ່ອນສາທາລະນະ (B2B): ຢູນີເທວ ຖືໄພ້ຕາຍໃນການເປັນຜູ້ຄວບຄຸມສິດການແຜ່ພາບຕໍ່ສາທາລະນະ. ດັ່ງນັ້ນ, ບໍ່ວ່າຈະເປັນຮ້ານອາຫານ, ຜັບ, ບາ, ໂຮງແຮມ ຫຼື ງານຈັດກິດຈະກຳເບິ່ງບານຕ່າງໆ ຫາກຕ້ອງການເປີດບານໂລກ ຕ້ອງຈ່າຍຄ່າທຳນຽມໃຫ້ແກ່ ຢູນີເທວ.
3. ອິດທິພົນ “Viettel” ແລະ ເກມພູມສາດການເມືອງສື່
ເບື້ອງຫຼັງຄວາມສຳເລັດຂອງ ຢູນີເທວ ຄື Viettel Group ຍັກໃຫຍ່ໂທລະຄົມຈາກຫວຽດນາມ (ເຊິ່ງຮ່ວມທຶນກັບກະຊວງປ້ອງກັນປະເທດຂອງລາວ). ການທີ່ Viettel ຄວ້າລິຂະສິດບານໂລກໄດ້ທັງໃນ ຫວຽດນາມ (ຜ່ານ VTV/TV360), ມຽນມາ (ຜ່ານ Mytel) ແລະ ລາວ (ຜ່ານ Unitel) ເຮັດໃຫ້ພວກເຂົາກາຍເປັນຜູ້ຜູກຂາດຄວາມບັນເທີງດິຈິຕອນໃນພູມິພາກນີ້ ເຊິ່ງເປັນການໃຊ້ Soft Power ຜ່ານກິລາຟຸດບານຢ່າງສະຫຼາດເພື່ອຍຶດຄອງຄວາມຈົງຮັກພັກດີຂອງຜູ້ບໍລິໂພກ.
ສະຫຼຸບເນື້ອຫາສຳຄັນ
ດີວບານໂລກຟຣີໃນ ສປປ ລາວ ຄັ້ງນີ້ ພິສູດໃຫ້ເຫັນວ່າ ຢູນີເທວ ບໍ່ໄດ້ໃຫ້ເບິ່ງຟຣີຍ້ອນຄວາມໃຈດີ ແຕ່ຍ້ອນພວກເຂົາສະຫຼາດພໍ ທີ່ຈະປ່ຽນຄວາມຫຼົງໄຫຼຂອງແຟນບານໃຫ້ກາຍເປັນ “ເຊື້ອໄຟ” ໃນການຂັບເຄື່ອນ ແລະ ຍຶດຄອງຕະຫຼາດເສດຖະກິດດິຈິຕອນຂອງປະເທດຢ່າງດີ ໂມເດວນີ້ຖືເປັນຕົວກໍານົດທິດທາງໃໝ່ ທີ່ບໍລິສັດໂທລະຄົມຈະເຂົ້າມາແທນທີ່ສະຖານີໂທລະພາບແບບດັ້ງເດີມໃນອະນາຄົດ.
ແຫຼ່ງຂໍ້ມູນອ້າງອີງ
• SIAMSPORT
