ໃນວັນທີ 6 ກຸມພາ 2026 ທີ່ຜ່ານມາ ທ່ານ ສຈ. ປອ. ດຣ ບຸນແຝງ ພູມມະໄລສິດ, ອະດີດລັດຖະມົນຕີກະຊວງສາທາລະນະສຸກ ແຫ່ງ ສປປ ລາວ ໄດ້ຮັບຫຼຽນກຽດຕິຄຸນອາທິດອຸໄທ ດາວຄຳ ແລະ ດາວເງິນ (ຊັ້ນ 2).
ເຊິ່ງຫຼຽນກຽດຕິຄຸນນີ້ ເປັນຂອງພະຣາຊະທານຈາກ ສົມເດັດພະເຈົ້າຈັກກະພັດແຫ່ງປະເທດຍີ່ປຸ່ນ ແລະ ຖືກສົ່ງມອບຢ່າງເປັນທາງການ ໂດຍ ທ່ານ ໂຄອິຊຶມິ ຊຶໂຕະມຸ, ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ.
ທ່ານທູດ ໂຄອິຊຶມິ ໄດ້ສະແດງຄວາມຍິນດີ ຕໍ່ ທ່ານ ສຈ. ປອ. ດຣ. ບຸນແຝງ ແລະ ສະແດງຄວາມຂອບໃຈສຳລັບການປະກອບສ່ວນອັນຍາວນານເຂົ້າໃນການເສີມສ້າງສາຍພົວພັນລະຫວ່າງຍີ່ປຸ່ນ ແລະ ລາວ ໂດຍສະເພາະໃນຂະແໜງສາທາລະນະສຸກ.
ທີ່ມາ: ສະຖານທູດຍີ່ປຸ່ນ ປະຈຳ ສປປ ລາວ.
