ປາກົດການນີ້ບໍ່ແມ່ນເລື່ອງບັງເອີນ ຫຼື ເລື່ອງຄວາມອ່ອນແອ ແຕ່ມີຜົນວິໄຈທາງຈິດຕະວິທະຍາ ແລະ ພຶດຕິກຳສັງຄົມຈາກສະຖາບັນລະດັບໂລກມາຮອງຮັບຢ່າງຈະແຈ້ງ.
1. ຝັ່ງ Gen Y: “ໂທເອົາງ່າຍກວ່າ ແກ້ບັນຫາຈົບບາດດຽວ”
ຄົນ Gen Y ເຕີບໂຕມາໃນຍຸກປ່ຽນຜ່ານທາງເທັກໂນໂລຊີ ເຮັດໃຫ້ມີມຸມມອງຕໍ່ການໂທລະສັບດັ່ງນີ້:
• Gen Y ຮູ້ສຶກວ່າການຍົກໂທລະສັບໂທຫາຄືການແກ້ໄຂບັນຫາທີ່ໄວທີ່ສຸດ ບໍ່ຕ້ອງເສຍເວລາຖ້າຂໍ້ຄວາມຕອບກັບໄປ-ມາ.
• ການໄດ້ຍິນ “ນ້ຳສຽງ” ຊ່ວຍຫຼຸດຄວາມເຂົ້າໃຈຜິດ, ປະເມີນອາລົມຂອງຄູ່ສົນທະນາໄດ້ດີກວ່າ ແລະ ສ້າງຄວາມໄວ້ວາງໃຈໄດ້ໄວ.
• ເຂົາເຈົ້າຖືກປູກຝັງມາວ່າ ການໂທລະສັບແມ່ນມາດຕະຖານຂອງການຕິດຕໍ່ວຽກງານທີ່ເປັນມືອາຊີບ ແລະ ສະແດງເຖິງຄວາມໃສ່ໃຈ.
2. ຝັ່ງ Gen Z: “ຂໍແຊັດດີກວ່າ, ມີເວລາຄິດ ແລະ ມີຫຼັກຖານ”
ຄົນ Gen Z ຄື “Digital Natives” ທີ່ເກີດມາພ້ອມກັບສະມາດໂຟນ ແລະ ແອັບແຊັດ ໂດຍມີເຫດຜົນຫຼັກໆຄື:
• ຜົນວິໄຈສາກົນພົບວ່າ Gen Z ຫຼາຍກວ່າ 80% ຮູ້ສຶກກັງວົນເມື່ອມີສາຍໂທເຂົ້າແບບບໍ່ໄດ້ນັດໝາຍ ເພາະຮູ້ສຶກຄືຖືກບັງຄັບໃຫ້ຕອບປະຕິກິລິຍາທັນທີໂດຍບໍ່ມີເວລາຕັ້ງໂຕ.
• ການແຊັດຊ່ວຍໃຫ້ມີເວລາຄິດ, ກວດກາຂໍ້ມູນໃຫ້ຖືກຕ້ອງ ແລະ ຮຽບຮຽງຄຳເວົ້າໃຫ້ສຸພາບກ່ອນສົ່ງ.
• Gen Z ໃຫ້ຄວາມສຳຄັນກັບ “ຫຼັກຖານການແຊັດ” ເມື່ອເກີດບັນຫາໃນການເຮັດວຽກ ການແຊັດຈະມີຫຼັກຖານຢັ້ງຢືນຊັດເຈນວ່າໃຜເວົ້າຫຍັງ ແລະ ນັດໝາຍແນວໃດ.
• ເຂົາເຈົ້າເບິ່ງວ່າການໂທຫາໂດຍບໍ່ສົ່ງຂໍ້ຄວາມມານັດກ່ອນ ແມ່ນການກ້າວກ່າຍ ຫຼື ລົບກວນສູງ.
ສະຫຼຸບ: ຈະເຮັດແນວໃດໃຫ້ເຮັດວຽກຮ່ວມກັນໄດ້ດີ?
ບໍ່ມີວິທີໃດດີກວ່າກັນ 100% ແຕ່ແມ່ນການຖ້ອຍທີຖ້ອຍອາໄສ:
1. Gen Y ປັບໂຕ: ພະຍາຍາມ “ແຊັດບອກກ່ອນໂທ” ເຊັ່ນ: “ນ້ອງ, ອ້າຍຂໍໂທຫາ 5 ນາທີ ເພື່ອປຶກສາເລື່ອງວຽກດ່ວນໄດ້ບໍ່?” ເພື່ອໃຫ້ Gen Z ໄດ້ກະກຽມໂຕ.
2. Gen Z ຝຶກຝົນ: ຝຶກທັກສະການເວົ້າສາຍສຸກເສີນ ເພາະບາງບັນຫາທີ່ຊັບຊ້ອນ ການໂທອະທິບາຍ 2 ນາທີ ອາດແກ້ໄຂໄດ້ໄວກວ່າການພິມແຊັດຫາໝົດມື້.
ແຫຼ່ງຂໍ້ມູນອ້າງອີງ: BBC Worklife, Forbes
