ເມືອງທ່າແຕງ ແຂວງເຊກອງ ສູ້ຊົນຄັ້ງໃຫຍ່! ຕັ້ງເປົ້າຜະລິດເຂົ້າໃຫ້ໄດ້ 108,482 ໂຕນ ໃນ 5 ປີ (2025-2029)! ພ້ອມຍົກລະດັບການຜະລິດກະສິກຳຄົບວົງຈອນ!
ເມືອງທ່າແຕງ ແຂວງເຊກອງ ປະກາດທິດທາງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII (2025-2029) ໂດຍສຸມໃສ່ຄວາມໝັ້ນຄົງທາງດ້ານສະບຽງອາຫານ ແລະ ການຜະລິດສິນຄ້າ!
ເປົ້າໝາຍຫຼັກທີ່ໜ້າສົນໃຈ:
• ຜະລິດເຂົ້າ: ສູ້ຊົນໃຫ້ໄດ້ 108,482 ໂຕນ (ສະເລ່ຍປະມານ 21,696 ໂຕນ/ປີ) ໃນເນື້ອທີ່ 4,220 ເຮັກຕາ. ໂດຍສະເພາະ ເຂົ້ານາປີ ເປັນຕົວຫຼັກເຖິງ 103,617 ໂຕນ!
• ພືດສະບຽງອາຫານສຳຮອງ: ເປົ້າໝາຍ 179,062 ໂຕນ ເພື່ອຮັບປະກັນສະບຽງອາຫານ.
• ພືດສິນຄ້າດຶງດູດ: ຕັ້ງເປົ້າຜະລິດລວມໃຫ້ໄດ້ 1.3 ລ້ານກວ່າໂຕນ! ໂດຍສະເພາະ:
• ກາເຟ (ໝາກແດງ): 175,180 ໂຕນ
• ມັນຕົ້ນທາດແປ້ງ: 770,494 ໂຕນ
• ຜັກກະລໍ່າປີ: 196,258 ໂຕນ
• ການລ້ຽງສັດ: ສົ່ງເສີມການລ້ຽງແບບຟາມ ແລະ ເພີ່ມຈຳນວນສັດລ້ຽງໃຫ້ໄດ້ 276,085 ໂຕ ເພື່ອຮັບປະກັນຊີ້ນ, ປາ ແລະ ໄຂ່ ໃຫ້ພຽງພໍຕໍ່ການບໍລິໂພກ.
ການສູ້ຊົນໃນຄັ້ງນີ້ແມ່ນເພື່ອຫັນປ່ຽນການຜະລິດໄປສູ່ຄວາມທັນສະໄໝ ແລະ ສ້າງກຸ່ມ/ສະຫະກອນ (ເປົ້າໝາຍ 2 ສະຫະກອນ, 50 ກຸ່ມປູກຝັງ/ລ້ຽງສັດ) ເພື່ອເຮັດໃຫ້ປະຊາຊົນມີລາຍຮັບທີ່ໝັ້ນຄົງ!
ທີ່ມາ: ປະຊາຊົນ
