ຄັ້ງທຳອິດໃນປະຫວັດສາດ ເດັກນ້ອຍທີ່ມີນໍ້າໜັກເກີນເກນມີຈຳນວນຫຼາຍກວ່າເດັກນ້ອຍທີ່ມີນໍ້າໜັກຕໍ່າກວ່າເກນ ຜູ້ຊ່ຽວຊານດ້ານສຸຂະພາບໄດ້ຊີ້ໃຫ້ເຫັນວ່າ ການປ່ຽນແປງໃນລະດັບໂລກນີ້ເກີດມາຈາກອາຫານທີ່ມີການປຸງແຕ່ງສູງ (Ultra-processed foods) ແລະ ວິຖີຊີວິດທີ່ບໍ່ຄ່ອຍມີການເຄື່ອນໄຫວ (Sedentary lifestyle) ເຊິ່ງຖືກຄອບງຳໂດຍການນຳໃຊ້ໜ້າຈໍ (ເຊັ່ນ: ໂທລະສັບ, ຄອມພິວເຕີ, ໂທລະພາບ).
ອີງຕາມຂໍ້ມູນຂອງອົງການອະນາໄມໂລກ (WHO) ອັດຕາໂລກອ້ວນໃນເດັກໄດ້ເພີ່ມຂຶ້ນຫຼາຍກວ່າສິບເທົ່ານັບຕັ້ງແຕ່ປີ ຄ.ສ. 1975. ແນວໂນ້ມນີ້ ສະແດງໃຫ້ເຫັນວ່າພຶດຕິກຳການກິນໃນຍຸກໃໝ່ ແລະ ການອອກກຳລັງກາຍໜ້ອຍລົງກຳລັງປ່ຽນແປງສຸຂະພາບຂອງປະຊາຊົນທົ່ວໂລກຢ່າງຮຸນແຮງ.
ປັດຈຸບັນ, ຫຼາຍປະເທດກຳລັງໃຫ້ຄວາມສຳຄັນກັບການໃຫ້ຄວາມຮູ້ເລື່ອງໂພຊະນາການ ແລະ ການຈັດຫາອາຫານທ່ຽງທີ່ດີຕໍ່ສຸຂະພາບໃນໂຮງຮຽນ ເພື່ອຮັບມືກັບວິກິດການທີ່ຂະຫຍາຍຕົວນີ້ ແລະ ປົກປ້ອງຄົນລຸ້ນໃໝ່. ນີ້ແມ່ນການປ່ຽນແປງທາງດ້ານສາທາລະນະສຸກທີ່ສຳຄັນ ເຊິ່ງສະແດງໃຫ້ເຫັນວ່າ ບັນຫາໂພຊະນາການຂອງໂລກໄດ້ປ່ຽນທິດທາງ.
ທີ່ມາ: Fact Point
