ຢ່າຟ້າວປ່ອຍ ຖ້າຍັງບໍ່ຮູ້ຈັກ! ປາ ແລະ ສັດນ້ຳບາງຊະນິດ ອາດກາຍເປັນໄພຕໍ່ທຳມະຊາດ ເມື່ອຖືກປ່ອຍລົງສູ່ແຫຼ່ງນ້ຳ. ມາທຳຄວາມຮູ້ຈັກກັບປາຕ່າງຖິ່ນ ແລະ ສັດນ້ຳທີ່ບໍ່ຄວນປ່ອຍລົງສູ່ແຫຼ່ງນ້ຳທຳມະຊາດ.
ການປ່ອຍປາຊະນິດຕ່າງຖິ່ນລົງສູ່ແຫຼ່ງນໍ້າທໍາມະຊາດ ລວມທັງແມ່ນ້ຳຂອງ ປຽບເໝືອນການສົ່ງ “ສິ່ງແປກປອມ” ເຂົ້າໄປທຳລາຍກົນໄກຂອງທຳມະຊາດ. ສ້າງຜົນກະທົບຕໍ່ລະບົບນິເວດຕັ້ງແຕ່ຈຸດທີ່ປ່ອຍໄປຕະຫຼອດທົ່ວທັງສາຍນ້ຳ ແລະ ກະທົບຕໍ່ຄວາມໝັ້ນຄົງທາງດ້ານສະບຽງອາຫານໃນໄລຍະຍາວ.
ສັດນ້ຳທີ່ບໍ່ຄວນປ່ອຍລວມມີ 14 ປະເພດດັ່ງນີ້:
1. ປານິນຄາງດຳ
2. ປາໝໍມາຍັນ
3. ປາດຸກພັນ
4. ປາດູດຝຸ່ນ
5. ປາໄນ
6. ປານິນ
7. ປູຂົນຈີນ
8. ປາເຂັງບັດເຕີ
9. ປາຈະລະເມັດນ້ຳຈືດ
10. ປາໂກໄລແອັດ
11. ປາປິລັນຢາ
12. ປາຈີນ, ປາກິນຫຍ້າ ຫຼື ປາເກັດແລ້ບ
13. ປາຄໍ່ອາເມຊອນ
14. ຫອຍມຸກນ້ຳຈືດ
ການປ່ອຍປາສາຍພັນຕ່າງຖິ່ນ ເປັນການຄຸກຄາມຖິ່ນທີ່ຢູ່ອາໄສຂອງປາສາຍພັນພື້ນເມືອງ, ລົບກວນລະບົບນິເວດນໍ້າແລະ ເປັນພາຫະນະແຜ່ເຊື້ອພະຍາດ ແລະ ກາຝາກ ທີ່ເປັນອັນຕະລາຍຮ້າຍແຮງ
ເນື່ອງໃນວັນປ່ອຍປາ ແລະ ສັດນ້ຳແຫ່ງຊາດ ວັນທີ 13 ກໍລະກົດນີ້! ພວກເຮົາຂໍເຊີນຊວນທຸກທ່ານມາຮ່ວມກັນປົກປັກຮັກສາແຫຼ່ງນ້ຳ ແລະ ທຳຄວາມຮູ້ຈັກກັບ “ຊະນິດປາຕ່າງຖິ່ນທີ່ບໍ່ຄວນປ່ອຍລົງສູ່ແຫຼ່ງນ້ຳທຳມະຊາດ” ເພື່ອຢຸດຢັ້ງການທຳລາຍລະບົບນິເວດໂດຍບໍ່ຮູ້ຕົວ.
ມາຮ່ວມກັນເປັນສ່ວນໜຶ່ງໃນການ “ພິທັກແຫຼ່ງນ້ຳ” ເພື່ອປົກປ້ອງຄວາມຍືນຍົງຂອງສັດນ້ຳ, ຟື້ນຟູແຫຼ່ງນ້ຳ ແລະ ຮັກສາວິຖີຊີວິດຂອງຜູ້ຄົນທີ່ອາໄສຢູ່ໃກ້ຊິດກັບສາຍນ້ຳໃຫ້ຄົງຢູ່ຕະຫຼອດໄປ.
ທຳມະຊາດຢູ່ດີ ປະຊາຊົນຢູ່ໄດ້ | When Nature Thrives, People do too.
ຂອບໃຈຂໍ້ມູນດີໆຈາກ: WWF-Laos
