ເພື່ອລະນຶກເຖິງນັກຂຽນທີ່ມີຊື່ສຽງລະດັບໂລກ William Shakespeare, Miguel Cervantes ແລະ Inca Garcilaso de la Vega ທີ່ເສຍຊີວິດລົງພ້ອມກັນໃນວັນທີ 23 ເມສາ ຄສ 1616 ແລະ ວັນທີ 23 ເມສາ ຍັງກົງກັບວັນເກີດຂອງນັກຂຽນຊື່ດັງອີກຫຼາຍຄົນ ເຊັ່ນ: Maurice Druon, Halldór Laxness .
ວັນດັ່ງກ່າວ ຖືກກຳນົດຂຶ້ນຄັ້ງທຳອິດໃນປີ 1995 ໂດຍອົງການ UNESCO ໂດຍໃຫ້ເຫດຜົນວ່າ ປຶ້ມ ເປັນສິ່ງທີ່ມີພະລັງອຳນາດສູງສຸດ ແລະ ມີປະສິດທິພາບສູງສຸດໃນການແຜ່ກະຈາຍຄວາມຮູ້ ແລະ ຮັກສາຄວາມຮູ້ໄວ້ເພື່ອມະນຸດ.
ອົງການ UNESCO ຕ້ອງການໃຫ້ທົ່ວໂລກສົ່ງເສີມການອ່ານ ແລະ ການພິມເຜີຍແຜ່ ລວມໄປເຖິງປົກປ້ອງຊັບສິນທາງປັນຍາຜ່ານລິຂະສິດ .
ສຸກສັນວັນປຶ້ມໂລກ! ຂໍໃຫ້ທຸກຄົນມີຄວາມສຸກກັບການອ່ານເດີ້!
Lao Youth Radio FM90MHz
