ສະຖາບັນວິໄຈເສດຖະກິດລະດັບໂລກ Oxford Economics ໄດ້ເປີດເຜີຍດັດຊະນີເມືອງທົ່ວໂລກ (Global Cities Index) ປະຈຳປີ 2025. ໂດຍໜຶ່ງໃນຫົວຂໍ້ທີ່ໜ້າສົນໃຈແມ່ນການຈັດອັນດັບ “ດ້ານທຶນມະນຸດ – ຄຸນນະພາບຊີວິດຂອງຄົນໃນເມືອງ” (Human Capital) ເຊິ່ງເປັນການວັດແທກຄຸນນະພາບ, ທັກສະຄວາມຮູ້ ແລະ ສັກກະຍະພາບຂອງປະຊາກອນໃນແຕ່ລະເມືອງ.
ຈາກການຈັດອັນດັບ 1,000 ເມືອງ ໃນທົ່ວໂລກ, ນີ້ຄືລາຍຊື່ເມືອງຫຼວງໃນອາຊຽນທີ່ຕິດອັນດັບ:
ກົວລາລຳເປີ (ມາເລເຊຍ): ອັນດັບ 16 ຂອງໂລກ (ຄອງແຊ້ມອາຊຽນ).
ບາງກອກ (ໄທ): ອັນດັບ 27 ຂອງໂລກ.
ສິງກະໂປ: ອັນດັບ 41 ຂອງໂລກ.
ຈາກາຕາ (ອິນໂດເນເຊຍ): ອັນດັບ 75 ຂອງໂລກ.
ມະນີລາ (ຟີລິບປິນ): ອັນດັບ 93 ຂອງໂລກ.
ຮ່າໂນຍ (ຫວຽດນາມ): ອັນດັບ 157 ຂອງໂລກ.
ພະນົມເປັນ (ກຳປູເຈຍ): ອັນດັບ 362 ຂອງໂລກ.
ຊຽງໃໝ່ (ໄທ): ອັນດັບ 599 ຂອງໂລກ.
ນະຄອນຫຼວງວຽງຈັນ (ລາວ): ອັນດັບ 676 ຂອງໂລກ.
ເນປີດໍ (ມຽນມາ): ອັນດັບ 789 ຂອງໂລກ.
ການທີ່ເມືອງໃດໜຶ່ງຈະມີອັນດັບສູງໄດ້ນັ້ນ ບໍ່ໄດ້ເບິ່ງແຕ່ຈຳນວນຄົນ, ແຕ່ Oxford Economics ເບິ່ງຈາກປັດໄຈສຳຄັນ ຄື:
ລະດັບການສຶກສາ: ຄົນມີຄວາມຮູ້ ແລະ ມີທັກສະທີ່ຕະຫຼາດໂລກຕ້ອງການ.
ສະຖາບັນການສຶກສາ: ມີມະຫາວິທະຍາໄລຊັ້ນນຳທີ່ຜະລິດຄົນເກັ່ງ.
ໂອກາດໃນການເຮັດວຽກ: ມີບໍລິສັດໃຫຍ່ໆ ຫຼື ສຳນັກງານໃຫຍ່ຕັ້ງຢູ່ເພື່ອດຶງດູດຄົນມີຄວາມສາມາດ.
ໂຄງສ້າງປະຊາກອນ: ມີສັດສ່ວນໄວໜຸ່ມ ແລະ ໄວເຮັດວຽກທີ່ເຂັ້ມແຂງ.
ມຸມມອງສຳລັບ ສປປ ລາວ:
ສຳລັບ ນະຄອນຫຼວງວຽງຈັນ ທີ່ຢູ່ໃນອັນດັບ 676 ຂອງໂລກ, ນີ້ຄືບົດຮຽນ ແລະ ສິ່ງທ້າທາຍທີ່ເຮົາຕ້ອງຮ່ວມກັນພັດທະນາ ໂດຍສະເພາະການຍົກລະດັບຄຸນນະພາບການສຶກສາ ແລະ ການສ້າງສະພາບແວດລ້ອມທີ່ເອື້ອອໍານວຍໃຫ້ຄົນເກັ່ງມີໂອກາດສ້າງສັນຜົນງານ ເພື່ອຂັບເຄື່ອນເສດຖະກິດຂອງຊາດໃຫ້ເຕີບໂຕໃນອະນາຄົດ.
ທີ່ມາ: ASEAN Skyline Malaysia
