ຖືເປັນການປ່ຽນແປງຄັ້ງໃຫຍ່ສຳລັບຜູ້ທີ່ມັກແຊັດຜ່ານຄອມພິວເຕີ! ເພາະ Meta ໄດ້ຢືນຢັນແລ້ວວ່າຈະຢຸດໃຫ້ບໍລິການເວັບໄຊ Messenger.com (ເວັບໄຊແຍກສຳລັບແຊັດໂດຍສະເພາະ) ພາຍໃນເດືອນ ເມສາ 2026 ນີ້.
ມີຫຍັງເກີດຂຶ້ນແດ່?
ຕັ້ງແຕ່ເດືອນເມສາເປັນຕົ້ນໄປ, ຜູ້ທີ່ເຄີຍເຂົ້າໃຊ້ງານຜ່ານ Messenger.com ຈະຖືກລະບົບສົ່ງຕໍ່ (Redirect) ໃຫ້ໄປໃຊ້ງານຜ່ານໜ້າເວັບໄຊ Facebook.com ແທນ ເພື່ອເປັນການລວມສູນການບໍລິການໄວ້ບ່ອນດຽວ.
ທາງເລືອກໃນການໃຊ້ງານຕໍ່ໄປ:
ເພື່ອໃຫ້ການຕິດຕໍ່ສື່ສານຂອງທ່ານບໍ່ສະດຸດ, ທ່ານສາມາດເລືອກໃຊ້ງານຜ່ານຊ່ອງທາງເຫຼົ່ານີ້:
• ຜ່ານ Facebook.com: ທ່ານສາມາດເຂົ້າໄປທີ່ໜ້າ Facebook ຫຼັກ ແລ້ວກົດທີ່ໄອຄອນ Messenger ຢູ່ມຸມຂວາເທິງ ຫຼື ເຂົ້າຜ່ານ link facebook.com/messages ໂດຍກົງ.
• ແອັບພລິເຄຊັນເທິງມືຖື: ໃຊ້ງານຜ່ານແອັບ Messenger ໃນລະບົບ iOS ແລະ Android ໄດ້ປົກກະຕິ (ຊ່ອງທາງນີ້ບໍ່ມີການປ່ຽນແປງ).
• ແອັບ Messenger ຕິດຄອມ (Desktop App): ດາວໂຫຼດແອັບ Messenger ມາຕິດຕັ້ງໄວ້ໃນເຄື່ອງ (Windows ຫຼື macOS) ເພື່ອການແຈ້ງເຕືອນທີ່ໄວ ແລະ ບໍ່ຕ້ອງເປີດ Browser ຖິ້ມໄວ້.
ສິ່ງທີ່ຄວນຮູ້:
• ຂໍ້ມູນບໍ່ຫາຍ: ຂໍ້ຄວາມ, ຮູບພາບ ແລະ ປະຫວັດການສົນທະນາທັງໝົດຂອງທ່ານຍັງຄືເກົ່າ ບໍ່ໄດ້ຖືກລຶບຖິ້ມ.
• ເຫດຜົນການປ່ຽນແປງ: Meta ຕ້ອງການເນັ້ນຄວາມປອດໄພດ້ວຍລະບົບການເຂົ້າລະຫັດປາຍທາງ (End-to-End Encryption) ໃຫ້ເປັນມາດຕະຖານດຽວກັນ ແລະ ເພື່ອຄວາມສະດວກໃນການຈັດການລະບົບ.
ສະຫຼຸບ: ໃຜທີ່ຕິດການແຊັດຜ່ານໜ້າເວັບແຍກ ຟ້າວກຽມຕົວປ່ຽນໄປໃຊ້ແອັບ ຫຼື ເຂົ້າຜ່ານໜ້າ Facebook ຫຼັກແທນ
ຂໍ້ມູນຈາກ: Social Media Today
