ອີງຕາມຂໍ້ມູນດັດຊະນີຄວາມສາມາດໃນການຊື້ iPhone (iPhone Affordability Index) ຈາກ Seasia Stats ທີ່ໄດ້ເຜີຍແຜ່ສະຖິຕິຈຳນວນວັນເຮັດວຽກທີ່ຈຳເປັນເພື່ອຊື້ iPhone 17 Pro Max (ລຸ້ນ 256GB) ໃນທົ່ວພາກພື້ນອາຊຽນ ພົບວ່າມີຄວາມແຕກຕ່າງກັນຢ່າງຫຼວງຫຼາຍ ເຊິ່ງສະທ້ອນໃຫ້ເຫັນເຖິງກຳລັງການຊື້, ຄ່າຈ້າງສະເລ່ຍ ແລະ ສະພາບເສດຖະກິດຂອງແຕ່ລະປະເທດ.
ສຳລັບ ປະເທດລາວ ຂອງພວກເຮົາ ແມ່ນຖືກຈັດຢູ່ໃນອັນດັບທີ 9 ຂອງອາຊຽນ ໂດຍແຮງງານລາວຕ້ອງໃຊ້ເວລາເຮັດວຽກສະເລ່ຍສູງເຖິງ 186 ວັນ (ຫຼື ປະມານ 6 ເດືອນກວ່າ) ຈຶ່ງຈະສາມາດເປັນເຈົ້າຂອງ iPhone 17 Pro Max ໄດ້ 1 ເຄື່ອງ (ຖ້າຊື້ດ້ວຍເງິນສົດ). ຕົວເລກນີ້ສະທ້ອນໃຫ້ເຫັນວ່າ ເຕັກໂນໂລຊີລະດັບໄຮເອນ (High-end) ຍັງຖືເປັນສິ່ງທີ່ເຂົ້າເຖິງໄດ້ຍາກຂອງລາວ ຍ້ອນຜົນກະທົບຈາກຄ່າຄອງຊີບ ແລະ ລາຍໄດ້ສະເລ່ຍຂອງປະຊາກອນໃນປະຈຸບັນ,ຂະນະທີ່ຊາວສິງກະໂປ ເຮັດວຽກບໍ່ຮອດສອງອາທິດກໍສາມາດເປັນເຈົ້າຂອງໄດ້ແລ້ວ.
ມາເບິ່ງແຕ່ວ່າ ລະປະເທດ ໃຊ້ເວລາຫາເງິນຈັກວັນ ຈຶ່ງຊື້ iPhone 17 Pro Max ໄດ້!:
ສິງກະໂປ: ຫາເງິນ 8 ວັນ ຊື້ໄອໂຟນ 17 Pro Max ໄດ້ແລ້ວ! ຈຶ່ງຈັດຢູ່ (ອັນດັບ 1 ຂອງອາຊຽນ, ຍ້ອນມີຄ່າຈ້າງສະເລ່ຍສູງທີ່ສຸດ).
ມາເລເຊຍ: 30 ວັນ.
ໄທ: 52 ວັນ.
ອິນໂດເນເຊຍ: 66 ວັນ.
ຫວຽດນາມ: 99 ວັນ.
ຟິລິບປິນ: 101 ວັນ.
ກຳປູເຈຍ: 178 ວັນ.
ມຽນມາ: 184 ວັນ.
ລາວ: 186 ວັນ.
ຕີມໍ-ເລສເຕ: 215 ວັນ.
ທີ່ມາ: Seasia Stats
Lao Youth Radio FM90MHz
