ເຄີຍເປັນບໍ່? ໄປງານລ້ຽງແລ້ວບໍ່ຮູ້ຈະລົມຫຍັງກັບໃຜ ແຕ່ພໍມີຄົນຍ່າງມາຈົ່ມເລື່ອງ “ລົດຕິດ” ຫຼື “ອາຫານບໍ່ແຊບ” ປຸບ… ບົດສົນທະນາພັດໄຫຼລື່ນຄືກັບຮູ້ຈັກກັນມາ 10 ປີ
ນັກຈິດຕະວິທະຍາສັງຄົມເອີ້ນປາກົດການນີ້ວ່າ “Negative Social Bonding” ຫຼື ການສ້າງສາຍສຳພັນຜ່ານເລື່ອງລົບ ເປັນຫຍັງມັນຈຶ່ງມີພະລັງປານນັ້ນ? ມາເບິ່ງກັນເລີຍ:
1. “ສັດຕູຂອງສັດຕູ ຄືມິດຂອງເຮົາ”
ການຄົ້ນຄວ້າພົບວ່າ ຄົນເຮົາຈະຮູ້ສຶກເຊື່ອມໂຍງກັນໄດ້ໄວທີ່ສຸດ ເມື່ອຄົ້ນພົບວ່າ “ເຮົາບໍ່ມັກສິ່ງດຽວກັນ”. ບໍ່ວ່າຈະເປັນການບໍ່ມັກທີມກິລາຄູ່ແຂ່ງ ກົດລະບຽບໃນບ່ອນເຮັດວຽກທີ່ໜ້າເບື່ອ ຫຼື ແມ່ນແຕ່ການຈົ່ມເລື່ອງດິນຟ້າອາກາດ. ມັນສ້າງຄວາມຮູ້ສຶກວ່າ “ເຮົາຢູ່ຝ່າຍດຽວກັນ” ໃນທັນທີ
2. ສ້າງຄວາມໄວ້ວາງໃຈແບບ “ທາງລັດ”
ການທີ່ໃຜຜູ້ໜຶ່ງກ້າເປີດເຜີຍຄວາມບໍ່ມັກ ຫຼື ຂໍ້ຕຳໜິອອກມາ ມັນເຮັດໃຫ້ອີກຝ່າຍຮູ້ສຶກວ່າຄົນນີ້ “ຈິງໃຈ” ແລະ “ບໍ່ສ້າງພາບ”. ເມື່ອເຮົາເຫັນດີນຳ ມັນຈະເກີດຄວາມຮູ້ສຶກປອດໄພ ແລະ ເຮັດໃຫ້ການສົນທະນາເປັນທຳມະຊາດຫຼາຍຂຶ້ນ.
3. ຄຳເຕືອນ: “ຖານທີ່ໝັ້ນທີ່ສັ່ນຄອນ”
ເຖິງວ່າການຈົ່ມນຳກັນຈະເຮັດໃຫ້ສະໜິດກັນໄວ ແຕ່ນັກຈິດຕະວິທະຍາກໍເຕືອນວ່າ:
“ມິດຕະພາບທີ່ສ້າງຂຶ້ນບົນພື້ນຖານຂອງເລື່ອງລົບພຽງຢ່າງດຽວ ມັກຈະຂາດຄວາມເລິກເຊິ່ງ.”
ຫາກເຮົາຢາກໃຫ້ຄວາມສຳພັນນັ້ນຢືນຍົງ ແລະ ສຸຂະພາບດີໃນໄລຍະຍາວ ເຮົາຕ້ອງມີ:
1. ຄ່ານິຍົມທີ່ຕົງກັນ
2. ຄວາມມັກທີ່ຄືກັນ
3. ປະສົບການທາງບວກຮ່ວມກັນ
ສະຫຼຸບແລ້ວ:
ການ “ຈົ່ມ” ອາດຈະເປັນ “ປະຕູ” ບານທຳອິດທີ່ເຮັດໃຫ້ເຮົາໄດ້ຮູ້ຈັກກັນ ແຕ່ຄວາມ “ຈິງໃຈ ແລະ ທັດສະນະຄະຕິທາງບວກ” ຕ່າງຫາກທີ່ຈະເປັນ “ເສົາເຂັມ” ໃຫ້ມິດຕະພາບນັ້ນໝັ້ນຄົງຕະຫຼອດໄປ.
ທີ່ມາ: Did you know?
