ວັນທີ 4 ກຸມພາຂອງທຸກໆປີ ເປັນວັນທີ່ອົງການອະນາໄມໂລກ ແລະ ສະມາຄົມຕໍ່ຕ້ານມະເຮັງສາກົນ ກຳນົດໃຫ້ເປັນວັນມະເຮັງໂລກ (World Cancer Day) ເພື່ອເປັນການບັນເທົາບັນຫາເຈັບປ່ວຍ ແລະ ເສຍຊີວິດຈາກພະຍາດມະເຮັງ.
ພະຍາດມະເຮັງເປັນບັນຫາທາງດ້ານສຸຂະພາບທີ່ສຳຄັນໃນປະເທດລາວ ໂດຍອັດຕາການເກີດ ເເລະ ການເສຍຊີວິດຈາກພະຍາດມະເຮັງນີ້ ເເມ່ນເພີ່ມຂຶ້ນຢ່າງຕໍ່ເນື່ອງໃນເເຕ່ລະປີ.
ເຊິ່ງອັດຕາການເປັນພະຍາດມະເຮັງທີ່ພົບເຫັນໃນ ສປປ ລາວ ໃນຜູ້ຊາຍຫຼາຍທີ່ສຸດເເມ່ນພະຍາດມະເຮັງຕັບ, ມະເຮັງປອດ, ມະເຮັງລຳໄສ້ ເເລະ ມະເຮັງທະວານໜັກ; ສ່ວນໃນຜູ້ຍິງເເມ່ນພະຍາດມະເຮັງເຕົ້ານົມ, ມະເຮັງຕັບ ເເລະ ມະເຮັງປາກມົດລູກ.
ດັ່ງນັ້ນ, ຢາກຝາກເຖິງທຸກຄົນໃຫ້ພາກັນໝັ່ນກວດເຊັກສຸຂະພາບຕົນເອງຢູ່ສະເໝີ, ກິນອາຫານທີ່ມີປະໂຫຍດ, ອອກກຳລັງກາຍ ແລະ ພັກຜ່ອນໃຫ້ພຽງພໍເພື່ອໃຫ້ສຸຂະພາບແຂງແຮງ.
