ຫ້ອງການ ກະຊວງສຶກສາທິການ ແລະ ກິລາ ຂໍຖືເປັນກຽດແຈ້ງມາຍັງພະນັກງານ ແລະ ປວງຊົນ ຊາບວ່າ: The Chinese University of Hong Kong ສປ. ຈີນ ເປີດຮັບນັກສຶກສາຕ່າງປະເທດ ຜູ້ທີ່ມີຈຸດປະສົງຢາກໄປ ສຶກສາຕໍ່ໃນລະດັບ ປະລິນຍາຕີ ຊຶ່ງມີຫຼັກສູດຫຼາຍກວ່າ 70 ຫຼັກສູດ ແລະ ມີ 08 ຄະນະວິຊາຮຽນ ຫຼັກສູດການຮຽນ- ການສອນ ເປັນພາສາອັງກິດ ພາຍໃຕ້ທຶນການສຶກສາ The Chinese University of Hong Kong.
I. ເງື່ອນໄຂຜູ້ສະຫມັກ:
– ຕ້ອງເປັນພົນລະເມືອງລາວຖືສັນຊາດລາວ;
– ສໍາເນົາໃບປະກາສະນີຍະບັດ ແລະ ໃບຄະແນນຈົບ ມັດທະຍົມຕອນປາຍໃນລະດັບດີ, ຢູ່ໃນເກດ A;
– ສໍາເນົາ Passport;
– ຈົບມັດທະຍົມຕອນປາຍມີຜົນຮຽນດີ ( IB Diploma, GCE A – Level/ International A-Level, SAT, AT (IELTS= 6.00 TOEFL= 80+ ຂື້ນໄປ);
– ບໍ່ຈໍາກັດອາຍຸ ແຕ່ເນັ້ນນັກສຶກສາທີ່ຈົບມັດທະຍົມຕອນປາຍໃຫມ່ທີ່ຍັງບໍ່ທັນໄດ້ຮຽນຕໍ່ລະດັບປະລິນຍາຕີຢູ່ໃສມາກ່ອນ.
II. ປະເພດທຶນ ແລະ ນະໂຍບາຍທີ່ຈະໄດ້ຮັບ:
1.ປະເພດທີ1: ໄດ້ຮັບເບ້ຍລ້ຽງຮຽນ 45,000 HKD/ປີ ຫຼື (ປະມານ 5,850 $ );
2.ປະເພດທີ2: ຍົກເວັ້ນຄ່າຮຽນ;
3.ປະເພດທີ3: ຍົກເວັ້ນຄ່າຮຽນບາງສ່ວນ;
ສ່ວນນະໂຍບາຍດັ່ງກ່າວແມ່ນໄດ້ຂື້ນກັບຜົນການຮຽນຂອງນັກສຶກສາແຕ່ລະປີ, ນອກຈາກນັ້ນແມ່ນຜູ້ກ່ຽວຮັບຜິດຊອບເອງ.
III. ວິທີສະຫມັກ
– ຮອບທີ 1: ແມ່ນຊ່ວງເດືອນກັນຍາ – ກາງເດືອນພະຈິກ ເຊິ່ງເປັນຊ່ວງທີ່ແນະນໍາທີ່ສຸດເພາະມີໂອກາດໄດ້ຮັບການພິ ຈາລະນາສູງ ແລະ ຮູ້ຜົນໄວ;
– ຮອບທີ 2: ແມ່ນຊ່ວງເດືອນພະຈິກ – ຕົ້ນເດືອນມັງກອນ ເຊິ່ງເປັນຮອບມາດຕະຖານ, ຜູ້ສະຫມັກສ່ວນໃຫຍ່ຈະສົ່ງ ເອກະສານໃນຊວງນີ້;
– ຮອບທີ 3: ແມ່ນຊ່ວງເດືອນມັງກອນ – ຕົ້ນເດືອນພຶດສະພາ ເຊິ່ງເປັນຮອບເກັບຕົກ ຈະພິຈາລະນາສະເພາະບາງສາ ຂາທີ່ຍັງມີບ່ອນຫວ່າງ ແລະ ທຶນການສຶກສາອາດຈະເຫຼືອຫນ້ອຍລົງ.
ພາຍຫຼັງໄດ້ຮັບການຄັດເລືອກທຶນແລ້ວໃຫ້ພິມແບບຟອມສະຫມັກ ຈໍານວນ 1 ສະບັບ ສົ່ງມາຍັງພະແນກຄຸ້ມ ຄອງທຶນການສຶກສາ ແລະ ນັກສຶກສາ (ຫ້ອງ107-108, ຊັ້ນ 1 ຂອງອາຄານ 4 ຊັ້ນ, ເຂດສະຫນາມກິລາເຈົ້າອານຸວົງ) ກົມກິດຈະການນັກສຶກສາ, ກະຊວງສຶກສາທິການ ແລະ ກິລາ.
ດັ່ງນັ້ນ, ຈຶ່ງແຈ້ງມາຍັງປວງຊົນເພື່ອຊາບ ແລະ ດໍາເນີນການສະຫມັກໃຫ້ທັນເວລາດ້ວຍ.
ລາຍລະອຽດຕາມແຈ້ງການດ້ານລຸ່ມ: admission.cuhk.edu.hk
