ອີງຕາມຂໍ້ມູນຈາກພາລະກິດ Apollo (ທີ່ມີການຕິດຕັ້ງກະຈົກສະທ້ອນແສງເລເຊີເທິງໜ້າດວງຈັນ) ນັກວິທະຍາສາດພົບວ່າ ດວງຈັນກໍາລັງເຄື່ອນທີ່ຫ່າງອອກຈາກໂລກດ້ວຍຄວາມໄວປະມານ 3.8 ຊັງຕີແມັດຕໍ່ປີ
I. ເປັນຫຍັງດວງຈັນຈຶ່ງຖອຍຫ່າງອອກໄປ?
ປາກົດການນີ້ເກີດຈາກ ແຮງດຶງດູດລະຫວ່າງໂລກ ແລະ ດວງຈັນ (Tidal Interaction). ແຮງດຶງດູດຂອງດວງຈັນເຮັດໃຫ້ເກີດນໍ້າຂຶ້ນ-ນໍ້າລົງເທິງໂລກ ແລະ ໃນຂະນະທີ່ໂລກໝຸນຮອບຕົວເອງ ພະລັງງານບາງສ່ວນໄດ້ຖືກສົ່ງຕໍ່ໄປໃຫ້ດວງຈັນ ເຮັດໃຫ້ວົງໂຄຈອນຂອງມັນກວ້າງອອກເລື້ອຍໆ 
.
II. ຈະເກີດຫຍັງຂຶ້ນຖ້າໂລກ “ບໍ່ມີດວງຈັນ”?
ຖ້າດວງຈັນຫາຍໄປ ຫຼື ຫ່າງອອກໄປຈົນບໍ່ມີຜົນຕໍ່ໂລກ ມັນຈະເກີດການປ່ຽນແປງທີ່ຮຸນແຮງດັ່ງນີ້:
1. ລະບົບນິເວດທາງທະເລຖືກທໍາລາຍ: ນໍ້າຂຶ້ນ-ນໍ້າລົງຈະຫຼຸດລົງຢ່າງມະຫາສານ (ເຫຼືອພຽງແຕ່ແຮງດຶງດູດຈາກດວງອາທິດທີ່ອ່ອນກວ່າຫຼາຍ ສິ່ງມີຊີວິດໃນທະເລທີ່ອາໄສກະແສນໍ້າຂຶ້ນ-ນໍ້າລົງເພື່ອຂະຫຍາຍພັນ ຫຼື ຫາອາຫານຈະສູນພັນ
2. ແກນໂລກຈະສັ່ນຄອນ (Unstable Tilt): ດວງຈັນເຮັດໜ້າທີ່ຊ່ວຍຮັກສາແກນໂລກໃຫ້ອຽງຄົງທີ່ຢູ່ປະມານ 23.5 ອົງສາ. ຖ້າບໍ່ມີດວງຈັນ ແກນໂລກອາດຈະພິກໄປມາ ຫຼື ອຽງແບບຮຸນແຮງ ເຮັດໃຫ້ລະດູການປ່ຽນແປງແບບສຸດຂີດ (ເຊັ່ນ: ບາງຄັ້ງຂົ້ວໂລກອາດຈະຮ້ອນເຜົາໄໝ້ ແລະ ເຢັນຈັດ)
3. ໂລກຈະໝຸນຮອບຕົວເອງໄວຂຶ້ນ: ດວງຈັນຊ່ວຍ “ເບກ” ການໝຸນຂອງໂລກໃຫ້ຊ້າລົງ. ຖ້າບໍ່ມີມັນ ໜຶ່ງວັນເທິງໂລກອາດຈະເຫຼືອພຽງ 6 ຫາ 12 ຊົ່ວໂມງ
4. ລົມພາຍຸທີ່ຮຸນແຮງ: ການທີ່ໂລກໝຸນໄວຂຶ້ນ ຈະເຮັດໃຫ້ເກີດກະແສລົມທີ່ແຮງກວ່າປັດຈຸບັນຫຼາຍເທົ່າ ເກີດພາຍຸລະດັບມະຫາສານຕະຫຼອດເວລາ 
3. ມັນຄື “ຫາຍະນະ” ທີ່ກໍາລັງຈະເກີດໃນໄວໆນີ້ບໍ່?
ຄໍາຕອບຄື: ບໍ່ ແມ້ວ່າມັນຈະຖອຍຫ່າງອອກໄປທຸກປີ ແຕ່ NASA ລະບຸວ່າ ມັນຈະໃຊ້ເວລາອີກຫຼາຍພັນລ້ານປີກວ່າທີ່ຈະເຫັນຜົນກະທົບທີ່ຮຸນແຮງ. ໃນໄລຍະຊີວິດຂອງມະນຸດເຮົາ ດວງຈັນຈະຍັງຄືເກົ່າ ແລະ ບໍ່ຫາຍໄປໃສແນ່ນອນ.
ທີ່ມາ: NASA
