ອີງຕາມການຈັດອັນດັບ ຈາກTasteAtlas ອາຫານທີ່ດີທີ່ສຸດ ແລະ ປະທັບໃຈທີ່ສຸດ ໃນອາຊຽນ: ປະເທດທີ່ຕິດອັນດັບສູງສຸດແມ່ນ ອິນໂດເນເຊຍ, ອັນດັບ 1 ຂອງອາຊຽນ ແລະ ອັນດັບ 10 ຂອງໂລກ, ມີຄະແນນປະທັບໃຈເຖິງ 4.48, ອາຫານອິນໂດເນເຊຍ ເປັນທີ່ຮູ້ຈັກກັນດີໃນການນຳໃຊ້ເຄື່ອງເທດ, ນ້ຳກະທິຢ່າງເຂັ້ມຂຸ້ນ ອາຫານທີ່ຂຶ້ນຊື່ ແລະ ນິຍົມ ຄື: ແຣນດັງ (Rendang), ນາຊີ ໂກເຣັງ (Nasi Goreng), ແລະ ຊາເຕ (Satay). ອາຫານຂອງອິນໂດເນເຊຍມີລົດຊາດທີ່ເລິກເຊິ່ງ ແລະ ຖືກປາກຂອງຄົນທົ່ວໂລກ, ເຮັດໃຫ້ກາຍເປັນຜູ້ນຳດ້ານອາຫານຂອງອາຊຽນ.
ຕາມມາດ້ວຍ ປະເທດຫວຽດນາມ ແລະ ໄທ ທີ່ຕິດໜຶ່ງໃນສາມອັນດັບທຳອິດ,ຫວຽດນາມ ຄວ້າຕຳແໜ່ງອັນດັບທີສອງ ຂອງອາຊຽນ ແລະ ອັນດັບທີ 16 ຂອງໂລກ.ດ້ວຍຄະແນນປະທັບໃຈ 4.36, ອາຫານຫວຽດນາມເປັນທີ່ຍອມຮັບໃນລະດັບໂລກ ຍ້ອນຄວາມສົດໃໝ່, ຄວາມສົມດຸນຂອງລົດຊາດຫວານ, ສົ້ມ, ເຄັມ, ແລະ ເຜັດ, ພ້ອມທັງອາຫານທີ່ນິຍົມ ຫຼື ເປັນສັນຍາລັກ ເຊັ່ນ: ເຝີ (Phở) ແລະ ເຂົ້າຈີ່ (Bánh Mì).
ຕາມມາດ້ວຍອັນດັບສາມຂອງອາຊຽນ ແມ່ນປະເທດ ໄທ, ອັນດັບໂລກຢູ່ທີອັນດັບ 24 ແລະ ຄະແນນປະທັບໃຈ 4.29, ອາຫານໄທ, ໂດດເດັ່ນດ້ວຍແກງກະທິທີ່ມີກິ່ນຫອມ ແລະ ອາຫານທີ່ນິຍົມ ກໍ່ຍັງຄົງເປັນ ຜັດໄທ (Pad Thai).
ນອກເໜືອຈາກສາມອັນດັບທຳອິດແລ້ວ, ປະເທດອື່ນໆກໍໄດ້ສະແດງໃຫ້ເຫັນເຖິງຄວາມສຸດຍອດ ດ້ານອາຫານຂອງອາຊຽນເຊັ່ນກັນ ບໍ່ວ່າຈະເປັນ ປະເທດຟີລິບປິນ ແມ່ນຢູ່ອັນດັບ 4 ຂອງອາຊຽນ ແລະ ອັນດັບທີ 25 ຂອງໂລກ ໂດຍມີຄະແນນຄວາມປະທັບໃຈ 4.28.
ອັນດັບ 5 ຂອງອາຊຽນ ແມ່ນ ປະເທດມາເລເຊຍ (ອັນດັບ 29 ຂອງໂລກ) ໂດຍມີຄະແນນ 4.26.
ອັນດັບທີ 6 ຂອງອາຊຽນ ແມ່ນ ປະເທດສິງກະໂປ ມີຄະແນນຄວາມປະທັບໃຈຢູ່ທີ່ 3.95 ຄະແນນ ຢູອັນດັບ 90 ຂອງໂລກ.
ສ່ວນ ສປປ ລາວ ໄດ້ຄະແນນຄວາມປະທັບໃຈ 3.95 ຄະແນນ ຢູ່ອັນດັບ 7 ຂອງອາຊຽນ ແລະ ອັນດັບ 96 ຂອງໂລກ ອາຫານທີ່ເປັກເອກະລັກ ແມ່ນ ລາບ.
ທີ່ມາ: seasia
