ປີ 2026 ຖືເປັນປີທີ່ພາກພື້ນອາຊຽນ ມີການປ່ຽນແປງດ້ານໂຄງລ່າງພື້ນຖານຢ່າງເຫັນໄດ້ຊັດເຈນ ໂດຍສະເພາະລະບົບການຂົນສົ່ງທາງລົດໄຟທີ່ກາຍເປັນກະດູກສັນຫຼັງໃນການເຊື່ອມໂຍງເສດຖະກິດ.
ມາເບິ່ງກັນວ່າໃນປີ 2026 ນີ້ ປະເທດໃດໃນອາຊຽນ ມີເສັ້ນທາງລົດໄຟທີ່ຍາວທີ່ສຸດ ໂດຍອີງຕາມຂໍ້ມູນຈາກ Seasia Stats:
ອັນດັບ 1: ອິນໂດເນເຊຍ ມີຄວາມຍາວ 8,260 ກິໂລແມັດ: ຄອງແຊ້ມດ້ວຍເຄືອຂ່າຍທີ່ກວ້າງຂວາງທີ່ສຸດ ເຊິ່ງລວມມີທັງລົດໄຟຄວາມໄວສູງ ແລະ ເສັ້ນທາງຂົນສົ່ງສິນຄ້າ-ຜູ້ໂດຍສານຫຼັກໃນເກາະຈາວາ ແລະ ສຸມາຕຣາ.
ອັນດັບ 2: ໄທ ມີຄວາມຍາວ4,845 ກິໂລແມັດ: ຕາມມາເປັນອັນດັບສອງ ດ້ວຍການເລັ່ງພັດທະນາທາງລົດໄຟລາງຄູ່ ແລະ ການເຊື່ອມຕໍ່ລະຫວ່າງພາກພື້ນທີ່ເຂັ້ມແຂງ ເພື່ອມຸ່ງໜ້າສູ່ການເປັນສູນກາງ Logistics ຂອງແຫຼມອິນດູຈີນ.
ອັນດັບ 3: ຫວຽດນາມ ມີຄວາມຍາວ 3,315 ກິໂລແມັດ: ຍັງຄົງຮັກສາຕຳແໜ່ງອັນດັບສາມ ດ້ວຍເສັ້ນທາງລົດໄຟແຕ່ເໜືອ-ໃຕ້ ທີ່ເປັນເສັ້ນເລືອດໃຫຍ່ໃນການຂົນສົ່ງ ແລະ ມີແຜນການຍົກລະດັບໃຫ້ທັນສະໄໝຂຶ້ນເລື້ອຍໆ.
ສ່ວນອັນດັບອື່ນໆ ມີດັ່ງນີ້:
4. ມາເລເຊຍ: ຍາວ 2,041 ກິໂລແມັດ.
5. ກຳປູເຈຍ: ຍາວ 650 ກິໂລແມັດ.
6. ຟິລິບປິນ: ຍາວ 532 ກິໂລແມັດ.
7. ສປປ ລາວ: ຍາວ 424 ກິໂລແມັດ.
8. ສິງກະໂປ: ຍາວ281 ກິໂລແມັດ.
ເຖິງວ່າ ສປປ ລາວ ຂອງພວກເຮົາຈະຢູ່ອັນດັບທີ 7 ຂອງອາຊຽນ ດ້ວຍໄລຍະທາງ 424 ກິໂລແມັດ ແຕ່ທາງລົດໄຟຢູ່ລາວເຮົາ ແມ່ນໄດ້ມາດຕະຖານສາກົນ ທັນສະໄໝ ແລະ ວາງລະບົບດີກວ່າຫຼາຍປະເທດທີ່ມີທາງລົດໄຟຍາວໆ ແຕ່ເກົ່າແກ່ ແລະຖືວ່າເປັນຕົວເລກທີ່ຊົງພະລັງຫຼາຍແລ້ວ ເມື່ອທຽບກັບຂະໜາດປະເທດ ແລະ ເປັນເສັ້ນທາງທີ່ມີປະສິດທິພາບສູງໃນການເຊື່ອມຕໍ່ສາກົນ ແລະ ກາຍເປັນຕົວແບບໃນການຫັນປ່ຽນຈາກປະເທດທີ່ບໍ່ມີທາງອອກສູ່ທະເລ ມາເປັນສູນກາງການເຊື່ອມໂຍງທາງບົກ ໃນການຂົນສົ່ງສິນຄ້າ ແລະ ການທ່ອງທ່ຽວຂອງລາວເຮົາໃຫ້ຄຶກຄື້ນຂຶ້ນກວ່າເກົ່າ!
ການພັດທະນາເຫຼົ່ານີ້ສະແດງໃຫ້ເຫັນວ່າ ອາຊຽນ ກຳລັງກ້າວເຂົ້າສູ່ຍຸກແຫ່ງການເຊື່ອມໂຍງ “ລາງ” ເພື່ອຊຸກຍູ້ການຄ້າ ແລະ ການທ່ອງທ່ຽວແບບຍືນຍົງ!
ທີ່ມາ: Seasia Stats
Lao Youth Radio FM90MHz
