ນັກວິທະຍາສາດທີ່ມະຫາວິທະຍາໄລ Northwestern ໄດ້ສ້າງເຄື່ອງກະຕຸ້ນຫົວໃຈຂະໜາດນ້ອຍທີ່ສຸດໃນໂລກ ທີ່ສາມາດດູດຊຶມ ຫຼື ລະລາຍໄດ້ເອງຕາມທຳມະຊາດໃນຮ່າງກາຍຄົນ, ເຊິ່ງມີຂະໜາດເທົ່າກັບເມັດເຂົ້າສານ. ບໍ່ຄືກັບອຸປະກອນແບບດັ້ງເດີມທີ່ຕ້ອງໄດ້ຜ່າຕັດເພື່ອໃສ່ ແລະຖອດອອກ, ເຄື່ອງກະຕຸ້ນຫົວໃຈນີ້ ຖືກອອກແບບມາສຳລັບການກະຕຸ້ນຫົວໃຈຊົ່ວຄາວສຳລັບຄົນເຈັບທີ່ຫາຍດີຈາກການຜ່າຕັດຫົວໃຈ ຫຼື ເດັກເກີດໃໝ່ທີ່ມີບັນຫາຈັງຫວະຫົວໃຈ.
ອຸປະກອນດັ່ງກ່າວຖືກຄວບຄຸມດ້ວຍລະບົບໄຮ້ສາຍ ໂດຍແຜ່ນຕິດໜ້າເອິກທີ່ສາມາດໃສ່ໄດ້, ເຊິ່ງຈະກວດຈັບການເຕັ້ນຂອງຫົວໃຈທີ່ບໍ່ສະໝໍ່າສະເໝີ ແລະກະຕຸ້ນເຄື່ອງກະຕຸ້ນຫົວໃຈ ໂດຍໃຊ້ແສງອິນຟາເຣດ. ເມື່ອຫົວໃຈຄົງທີ່ແລ້ວ, ເຄື່ອງກະຕຸ້ນຫົວໃຈຈະລະລາຍໄປເອງຕາມທໍາມະຊາດພາຍໃນຮ່າງກາຍ, ບໍ່ມີຮ່ອງຮອຍ ແລະຫຼີກລ່ຽງຄວາມສ່ຽງຕໍ່ການຕິດເຊື້ອ ຫຼືການຜ່າຕັດເອົາອອກ.
ແຕ່ນະວັດຕະກໍານີ້ຍັງຢູ່ໃນຂັ້ນຕອນການທົດລອງກັບສັດ ແລະຫົວໃຈທີ່ໄດ້ຮັບການບໍລິຈາກ, ເຊິ່ງໃນໄວໆນີ້ອາດຈະປ່ຽນແປງການດູແລຫົວໃຈໄລຍະສັ້ນໄດ້.
ທີ່ມາ: Did you know
