ການຮຽນໜັງສືໄລຍະ 3 ປີທຳອິດຂອງປະຖົມໃນຍີ່ປຸ່ນ ເນັ້ນປູກຝັງຄຸນນະທຳຫລາຍກວ່າວັດຜົນດ້ວຍຂໍ້ສອບ.
ທີ່ຍີ່ປຸ່ນນັກຮຽນໃນໄບຍະປະຖົມສຶກສາຕອນຕົ້ນ 3 ປີທຳອິດ( ປ.1-ປ.3) ຈະຍັງບໍ່ຖືກກົດດັນເລື່ອງການສອບເສັງຫລາຍເທື່ອ ສິ່ງທີ່ເນັ້ນໜັກຄືການສ້າງພື້ນຖານດ້ານຈິດໃຈ ແລະ ພຶດຕິກຳເຊັ່ນ: ການມີມາລະຍາດ, ການເຄົາລົບຜູ້ອື່ນ, ຄວາມຮັບຜິດຊອບ ແລະ ການເຮັດວຽກຮ່ວມກັບຜູ້ອື່ນ.
ນັກຮຽນຈະໄດ້ຮຽນຮູ້ຜ່ານກິດຈະກຳໃນຊີວິດປະຈຳວັນເຊັ່ນ ການຊ່ວຍກັນເຮັດຄວາມສະອາດຫ້ອງຮຽນ ແລະ ໂຮງຮຽນ ເພື່ອຝຶກຄວາມມີລະບຽບວິໄນ ແລະ ການຮັບຜິດຊອບຮ່ວມກັນ.
ແນວທາງນີ້ມຸ່ງສ້າງຄວາມສະຫລາດທາງອາລົມ ແລະ ການເປັນຄົນດີໃນສັງຄົມກ່ອນຈະເລັ່ງໄປສູ່ການຮຽນເຊີງວິຊາການ. ຄູ ແລະ ຜູ້ຊ່ຽວຊານດ້ານການສຶກສາຂອງຍີ່ປຸ່ນເຊື່ອວ່າ ການປູກຝັ່ງໃນໄວນີ້ຈະເຮັດໃຫ້ນັກຮຽນເຕີບໂຕຂຶ້ນເປັນບຸກຄົນທີ່ມີຄວາມຮອບດ້ານ ມີທັງຄວາມຮູ້ ຄວາມເຂົ້າໃຈຜູ້ອື່ນ ແລະ ທັກສະທາງສັງຄົມເຊິ່ງເປັນເຫດຜົນສຳຄັນທີ່ເຮັດໃຫ້ລະບົບການສຶກສາຂອງຍີ່ປຸ່ນໂດດເດັ່ນໃນສາຍຕາຂອງໂລກ.
ເຫດຜົນທີ່ເນັ້ນ EQ ຫລາຍກວ່າ IQ ກໍເພາະນັກຮຽນໃນໄວນີ້ຍັງຢູ່ໃນຊ່ວງຮຽນຮູ້ການຄວບຄຸມອາລົມ ແລະ ການເຂົ້າສັງຄົມ ຫາກວາງຮາກຖານດ້ານນີ້ໄດ້ດີ ຈະຊ່ວຍໃຫ້ຮຽນວິຊາການໄດ້ມີປະສິດທິພາບໃນໄລຍະຍາວ.
ຕົວຢ່າງ ກິດຈະກຳທີ່ເຮັດຢູ່ຍີ່ປຸ່ນແມ່ນເຮັດຄວາມສະອາດຫ້ອງຮຽນ ແລະ ໂຮງອາຫານທຸກມື້, ກິນອາຫານກາງເວັນຮ່ວມກັນໃນຫ້ອງຮຽນ ໂດຍນັກຮຽນເປັນຜູ້ເສີບອາຫານເອງ ແລະ ຝຶກການກ່າວທັກທ້າຍຂອບໃຈເປັນກິດຈະວັດ.
ຜົນລັບທີ່ເກີດຂຶ້ນ: ນັກຮຽນຍີ່ປຸ່ນສ່ວນໃຫຍ່ມີຄວາມຮັບຜິດຊອບສູງ ເຄົາລົບລະບຽບ ແລະ ຮູ້ຈັກການຢູ່ຮ່ວມກັບຄົນອື່ນໃນສັງຄົມ.
ທີ່ມາ: Factpoint
