ແຈ້ງທຶນການສຶກສາຂອງ ມະຫາວິທະຍາໄລອຸດສາຫະກໍານະຄອນໂຮ່ຈິມິນ

ຫ້ອງການກະຊວງສຶກສາທິການ ແລະ ກິລາ ແຈ້ງມາຍັງພະນັກງານລັດຖະກອນ ແລະ ນັກສຶກສາຊາບວ່າ: ມະຫາວິທະຍາໄລອຸດສາຫະກໍາ ນະຄອນໂຮ່ມິນ ສສ. ຫວຽດນາມ, ສະເຫນີໃຫ້ທຶນການສຶກສາແກ່ ພົນລະເມືອງລາວ ໄປສຶກສາຕໍ່ທີ່ ຜູ້ທີ່ມີຄວາມສົນໃຈທຶນການສຶກສາຕໍ່ ຈໍານວນ 100 ທຶນ ຫຼັກສູດການຮຽນເປັນພາສາຫວຽດ ຊຶ່ງມີ 3 ລະດັບຄື: ປະລິນຍາຕີ, ໂທ ແລະ ເອກ. ເຊິ່ງມີ 7 ສາຂາວິຊາຮຽນຄື:

1) ບໍລິຫານທຸລະກິດ;

2) ການບັນຊີ;

3) ການເງິນ-ການທະນາຄານ;

4) ເຕັກໂນໂລຊີຂໍ້ມູນຂ່າວສານ;

5) ວິສະວະກໍາກົນຈັກ;

6) ວິສະວະກໍາລົດຍົນ;

7) ວິສະວະກໍາໄຟຟ້າເອເລັກໂຕນິກ.

I. ນະໂຍບາຍທີ່ຈະໄດ້ຮັບມີ:

ຄ່າຮຽນ, ທີ່ພັກ, ເບ້ຍລ້ຽງປະຈໍາເດືອນ (ໃນໄລຍະເຂົ້າສາຍຮຽນ);

ຜູ້ທີ່ບໍ່ທັນມີພື້ນຖານພາສາຫວຽດຈະໄດ້ກຽມພາສາ 01 ປີ (ມະຫາວິທະຍາໄລຍົກເວັ້ນຄ່າຮຽນ ແລະ ທີ່ພັກ ຈະບໍ່ ໄດ້ເບ້ຍລ້ຽງ ຖ້າລະດັບພາສາຜ່ານຕາມມາດຕະຖານຂອງມະຫາວິທະຍາໄລແລ້ວຈຶ່ງໄດ້ເຂົ້າສາຍຮຽນວິຊາ ສະເພາະ);

II. ເງື່ອນໄຂຜູ້ສະຫມັກ ແລະ ການປະກອບເອກະສານ

1) ຕ້ອງເປັນພົນລະເມືອງລາວ/ຖືສັນຊາດລາວ, ມີສຸຂະພາບທາງກາຍ ແລະ ຈິດໃຈແຂງແຮງດີ; ຜູ້ສະຫມັກລະດັບປະລິນຍາຕີອາຍຸບໍ່ເກິນ 35ປີ, ປະລິນຍາໂທບໍ່ເກີນ 40ປີ ແລະ ປະລິນຍາເອກບໍ່ເກີນ 45ປີ;

2) ຜູ້ສະຫມັກປະລິນຍາຕີ ຄະແນນສະເລ່ຍ 7,00 ຂື້ນໄປ ຫຼື 70/100 (2,8) ຂື້ນໄປ;

3) ໃບປະກາສະນີຍະບັດ ແລະ ໃບຄະແນນ (ພາສາອັງກິດ);

4) ສໍາເນົາຫນັງສືຜ່ານແດນ (Passport);

5) ໃບກວດສຸຂະພາບບໍ່ເກີນ 6 ເດືອນ ເປັນພາສາອັງກິດ;

6) ຮູບ 3×4 ພື້ນສີຂາວ ຈໍານວນ 4 ໃບ (ບໍ່ເກີນ 6 ເດືອນ);

7) ຜູ້ທີ່ກໍາລັງຮຽນມັດທະຍົມຕອນປາຍປີສຸດທ້າຍ ແມ່ນໃຫ້ສໍາເນົາປຶ້ມຕິດຕາມການຮຽນຄັດຕິດມາພ້ອມ;

ສໍາລັບນັກສຶກສາປະລິນຍາຕີປີສຸດທ້າຍແມ່ນໃຫ້ເຮັດໃບຢັ້ງຢືນຄະແນນແຕ່ ປີ1 ຫາ ປີ4.

III. ວິທີສະຫມັກ

ຜູ້ທີ່ສົນໃຈສະຫມັກໃຫ້ໄປພົວພັນ ສອບຖາມຂໍ້ມູນລາຍລະອຽດ ແລະ ແບບຟອມສະຫມັກທີ່ ກົມ ກິດຈະການນັກສຶກສາ ກະຊວງສຶກສາທິການ ແລະ ກິລາ ເຂດສະຫນາມກິລາເຈົ້າອານຸວົງ ຫຼັງຈາກປະກອບເອກະສານຄົບຖ້ວນແລ້ວ ໃຫ້ມາສົ່ງ ທີ່ຫ້ອງ 107-108 ພະແນກຄຸ້ມຄອງທຶນການສຶກສາ ແລະ ນັກສຶກສາ ຈົນຮອດ ວັນສຸກ ທີ 19 ມິຖຸນາ 2026 ເປັນມື້ປິດ ຮັບສະຫມັກ.

ດັ່ງນັ້ນ, ຈຶ່ງແຈ້ງມາຍັງທົ່ວປວງຊົນເພື່ອຊາບ ແລະ ດໍາເນີນການ ສະຫມັກໃຫ້ທັນເວລາດ້ວຍ
ສາມາດດາວໂຫຼດ ຈາກເວັບໄຊ້ https://www.moes.dsa.edu.la/