ຫ້ອງການກະຊວງສຶກສາທິການ ແລະ ກິລາ ຂໍຖືເປັນກຽດແຈ້ງມາຍັງທຸກພາກສ່ວນ ທົ່ວປວງຊົນຊາບວ່າ: Harbin Engineering University ສປ.ຈີນ ເປີດຮັບສະໝັກນັກສຶກສາ ໃນລະດັບປະລິນຍາຕີ, ປະລິນຍາໂທ ແລະ ປະລິນຍາເອກ, ຫຼັກສູດການຮຽນ ເປັນພາສາຈີນ ຫຼື ພາສາອັງກິດ, ສາຂາວິຊາຮຽນສາມາດເຂົ້າເບີ່ງໃນເວັບໄຊຂອງ ມະຫາວິທະຍາໄລ ຢູ່ກ້ອງຄອມເມັ້ນ.
I. ເງື່ອນໄຂຜູ້ສະໝັກ
– ຕ້ອງເປັນພົນລະເມືອງລາວ/ຖືສັນຊາດລາວ, ມີສຸຂະ ພາບທາງກາຍ ແລະ ຈິດໃຈແຂງແຮງດີ;
– ສະໝັກລະດັບປະລິນຍາຕີອາຍຸບໍ່ເກີນ 25 ປີ, ປະລິນຍາໂທບໍ່ເກີນ 35 ປີ ແລະ ປະລິນຍາເອກບໍ່ເກີນ 40 ປີ;
– ຜູ້ ມີຜົນການຮຽນດີ ຄະແນນບໍ່ຕໍ່າກວ່າ 75 (ຄະແນນສ່ວນຮ້ອຍ)
II. ເອກະສານການສະໝັກ
– ສໍາເນົາໃບປະກາສະນິຍະບັດ ແລະ ໃບຄະແນນ ລະດັບສູງສຸດ;
– ໜັງສືແນະນໍາຈາກຫົວໜ້າ ຫຼື ອາຈານ ຈຳນວນ 02 ສະບັບ Two Recommendation Letters (ສໍາລັບຜູ້ ສະໝັກຮຽນລະດັບປະລິນຍາໂທ ແລະ ປະລິນຍາເອກ);
– ໃບຢັ້ງຢືນການສອບເສັງລະດັບພາສາຈີນ HSK ລະດັບ 4 ຂື້ນໄປຕາມລໍາດັບ ສໍາລັບຜູ້ສະໝັກຮຽນຫຼັກສູດ ພາສາຈີນ ແລະ ໃບຢັ້ງຢືນຄະແນນ IELTS≥6.0 ຫຼື TOEFL≥90 ສໍາລັບຜູ້ສະໝັກຮຽນຫຼັກສູດພາສາ ອັງກິດ;
– ມີໃບຢັ້ງຢືນຜົນການສອບເສັງ CSCA (ສໍາລັບຜູ້ສະໝັກຮຽນລະດັບປະລິນຍາຕີ);
– ແຜນການຮຽນສະບັບພາສາຈີນ ຫຼື ພາສາອັງກິດ;
– ໃບກວດສຸຂະພາບຕາມແບບຟອມທີ່ກຳນົດ;
– ສໍາເນົາໜັງສືຜ່ານແດນ;
– ໃບແຈ້ງໂທດສະບັບເປັນພາສາອັງກິດ;
Bank Statement (ສໍາລັບຜູ້ສະໝັກຮຽນລະດັບປະລິນຍາຕີ)
III. ວິທີສະໝັກ
ທຶນການສຶກສາຂອງ Harbin Engineering University ແບ່ງອອກເປັນ 2 ປະເພດຄື:
1. ທຶນ CSC ມະຫາວິທະຍາໄລ: ຜູ້ທີ່ສົນໃຈໝັກ ໃຫ້ລົງທະບຽນ ແລະ ສະໝັກອອນລາຍຜ່ານເວັບໄຊ ກ້ອງຄອມເມັ້ນ ໂດຍເລືອກເອົາທຶນປະເພດ B ແລະ ໃສ່ລະຫັດ Agency number 10217, ພາຍຫຼັງລົງທະບຽນໃນເວັບໄຊຂອງ CSC ສໍາເລັດແລ້ວໃຫ້ຜູ້ສະໝັກສົ່ງເອກະສານດັ່ງກ່າວ ເຂົ້າອີເມວ dingjie-thip@hrbeu.edu.cn.
2. ທຶນມະຫາວິທະຍາໄລ ມີລະດັບປະລິນຍາຕີ, ປະລິນຍາໂທ ແລະ ປະລິນຍາເອກ, ຊຶ່ງມີລາຍລະອຽດດັ່ງລຸ່ມນີ້:
ທຶນລະດັບປະລິນຍາຕີແບ່ງອອກເປັນ 3 ລະດັບຄື: ທຶນລະດັບທີ 1 ຍົກເວັ້ນຄ່າຮຽນ ແລະ ມີເງິນເບ້ຍລ້ຽງ 1500ຢວນ/ເດືອນ; ລະດັບທີ 2 ຍົກເວັ້ນຄ່າຮຽນ 100%; ລະດັບທີ 3 ຍົກເວັ້ນຄ່າຮຽນ 50%.
ທຶນລະດັບປະລິນຍາໂທແບ່ງອອກເປັນ 3 ລະດັບຄື: ທຶນລະດັບທີ 1 ຍົກເວັ້ນຄ່າຮຽນ ແລະ ມີເງິນເບ້ຍລ້ຽງ 2000ຢວນ/ເດືອນ; ລະດັບທີ 2 ຍົກເວັ້ນຄ່າຮຽນ 100%; ລະດັບທີ 3 ຍົກເວັ້ນຄ່າຮຽນ 50%.
ທຶນລະດັບປະລິນຍາເອກແບ່ງອອກເປັນ 3 ລະດັບຄື: ທຶນລະດັບທີ 1 ຍົກເວັ້ນຄ່າຮຽນ ແລະ ມີເງິນ ເບ້ຍລ້ຽງ 3000ຢວນ/ເດືອນ; ລະດັບທີ 2 ຍົກເວັ້ນຄ່າຮຽນ 100%; ລະດັບທີ 3 ຍົກເວັ້ນຄ່າຮຽນ 50%.
dingjie- ຜູ້ທີ່ສົນໃຈສະໝັກທຶນດັ່ງກ່າວແມ່ນໃຫ້ກະກຽມເອກະສານຕ່າງໆທີ່ກ່ຽວຂ້ອງແລ້ວສົ່ງເຂົ້າອີເມວ thip@hrbeu.edu.cn . ພາຍຫຼັງລົງທະບຽນສໍາເລັດແລ້ວໃຫ້ຜູ້ສະໝັກປິ່ນແບບຟອມສະໝັກ ຈຳນວນ 1 ສະບັບ ສົ່ງ ມາຍັງພະແນກຄຸ້ມຄອງທຶນການສຶກສາ ແລະ ນັກສຶກສາ (ຫ້ອງ 107-108, ຊັ້ນ 1 ຂອງອາຄານ 4 ຊັ້ນ, ເຂດສະໜາມ ກິລາເຈົ້າອານຸວົງ) ກົມກິດຈະການນັກສຶກສາ, ກະຊວງສຶກສາທິການ ແລະ ກິລາ. ມື້ປິດຮັບເອກະສານສະໝັກ ວັນ ພະຫັດ ວັນທີ 30 ເມສາ 2026.
ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ສົ່ງເອກະສານສະໝັກໃຫ້ທັນເວລາດ້ວຍ.
