ຫ້ອງການ ກະຊວງສຶກສາທິການ ແລະ ກິລາ ຂໍຖືເປັນກຽດແຈ້ງມາຍັງພະນັກງານ-ນັກສຶກສາຊາບວ່າ: Guangxi University ສປ.ຈີນ ໃຫ້ທຶນການສຶກສາແກ່ພະນັກງານ ແລະ ນັກສຶກສາລາວ ທົ່ວໄປ ທີ່ມີຄວາມສົນໃຈຢາກໄປສຶກສາ ຕໍ່ ໃນລະດັບ ປະລິນຍາໂທ ໄລຍະຮຽນ 03 ປີ ແລະ ປະລິນຍາເອກ ໄລຍະຮຽນ 04 ປີ, ຫຼັກສູດຮຽນເປັນ ພາສາ ອັງກິດ ມີວິຊາ: Sciences ແລະ Engineering, ນອກຈາກນີ້ແມ່ນຫຼັກສູດຮຽນເປັນ ພາສາຈີນ. ສໍາລັບສາຂາວິຊາຮຽນ ໃຫ້ເຂົ້າເບິ່ງເວັບໄຊໃນຂໍ້ III,
ລາຍລະອຽດດັ່ງນີ້:
1. ເງື່ອນໄຂຜູ້ສະໝັກ
– ຕ້ອງເປັນຄົນລາວຖືສັນຊາດລາວ/ຖືສັນຊາດລາວ, ສຸຂະພາບທາງກາຍ ແລະ ຈິດໃຈແຂງແຮງດີ;
– ອາຍຸບໍ່ເກີນ 35 ປີ ສໍາລັບປະລິນຍາໂທ ແລະ 40 ປີ ສໍາລັບປະລິນຍາເອກ;
ສໍາເນົາໃບປະກາສະນີຍະບັດ ແລະ ຄະແນນຈົບ ລະດັບສູງສຸດ.
– ຜູ້ສະໝັກ ຫຼັກສູດພາສາຈີນ ຕ້ອງມີລະດັບພາສາຈີນ HSK 4, ຫຼັກສູດພາສາອັງກິດຕ້ອງມີ IELT 6.0 ຫຼື TOEFL 80.
II. ນະໂຍບາຍທີ່ຈະໄດ້ຮັບ
ຄ່າຮຽນ, ຫໍພັກ, ເບ້ຍລ້ຽງ, ຄ່າປະກັນສຸຂະພາບ. ສໍາລັບຄ່າເດີນທາງໄປ-ກັບ ລະຫວ່າງປະເທດ ນັກສຶກສາ ຮັບຜິດຊອບເອງ.
III. ວິທີສະໝັກ
ເງື່ອນໄຂລະອຽດຂອງຜູ້ສະໝັກສະເໜີໃຫ້ເບິ່ງເພີ່ມເຕີມຕາມເວັບໄຊ ກ້ອງຄອມເມັ້ນ ຫຼື ພົວພັນ Mr.Chen Lang ວີແຊັດໄອດີ STUDY-AT-GXU ສະໝັກຜ່ານທາງອອນລາຍ ແລະ ສົ່ງເອກະສານຜ່ານ ອີເມວ lxs@gxu.edu.cn. ປິດຮັບສະໝັກວັນທີ 15 ກຸມພາ 2026.
ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ດຳເນີນການສະໝັກໃຫ້ທັນເວລາດ້ວຍ.
