ຈາກການຮັບຊົມໂທລະພາບ, ຟັງເພງ ໄປຈົນເຖິງການໃຊ້ບໍລິການອຳນວຍຄວາມສະດວກໃນຊີວິດປະຈຳວັນ ແລະ ການຈອງບໍລິການທ່ອງທ່ຽວ, ເຕັກໂນໂລຊີກຳລັງຄ່ອຍໆປ່ຽນແປງວິທີ ທີ່ປະຊາຊົນເຂົ້າເຖິງບໍລິການຕ່າງໆ. ດ້ວຍ LaoTV, LaoMusic, LaoApp ແລະ LaoTravel, Unitel ກຳລັງຂະຫຍາຍລະບົບນິເວດດິຈິຕອນ ເພື່ອນຳເອົາເຕັກໂນໂລຊີ ເຂົ້າມາໃກ້ຊິດກັບຊີວິດຂອງປະຊາຊົນລາວຫຼາຍຂຶ້ນ.
ລະບົບນິເວດບໍລິການ ທີ່ຕອບໂຈດຊີວິດທັນສະໄໝ
ໃນຍຸກດິຈິຕອນ, ໂທລະສັບສະມາສໂຟນ ບໍ່ໄດ້ເປັນພຽງອຸປະກອນສຳລັບການຕິດຕໍ່ສື່ສານເທົ່ານັ້ນ, ແຕ່ຍັງກາຍເປັນເຄື່ອງມືສຳຄັນ ສຳລັບຄວາມບັນເທີງ, ການສື່ສານ, ການຈັບຈ່າຍໃຊ້ສອຍ ແລະ ການເດີນທາງ. ໂດຍເລັງເຫັນເຖິງແນວໂນ້ມດັ່ງກ່າວ, Unitel ໄດ້ພັດທະນາແພລດຟອມບໍລິການດິຈິຕອນຕ່າງໆ ເພື່ອຕອບສະໜອງຄວາມຕ້ອງການທີ່ຫຼາກຫຼາຍຂຶ້ນຂອງຜູ້ໃຊ້ບໍລິການ.
ໃນດ້ານຄວາມບັນເທີງ, LaoTV ນຳສະເໜີເນື້ອຫາ ໂທລະພາບຜ່ານແພລດຟອມດິຈິຕອນ, ຂະນະທີ່ LaoMusic ຊ່ວຍເພີ່ມທາງເລືອກໃນການຮັບຟັງເພງຜ່ານລະບົບອອນລາຍ.
ສຳລັບການໃຊ້ບໍລິການໃນຊີວິດປະຈຳວັນ, LaoApp ໄດ້ຮັບການພັດທະນາຕາມແນວທາງ Super App ຫຼື ແອັບພລິເຄຊັນອະເນກປະສົງ ໂດຍມຸ່ງເນັ້ນການລວມເອົາຟັງຊັນ ຫຼື ບໍລິການ ການສົ່ງຂໍ້ຄວາມ, ເຄືອຂ່າຍສັງຄົມ, ບໍລິການອາຫານ, ບໍລິການອຳນວຍຄວາມສະດວກ ແລະ ເກມບັນເທີງໄວ້ໃນແພລດຟອມດຽວ.
ສ່ວນໃນຂະແໜງການທ່ອງທ່ຽວ, LaoTravel ຊ່ວຍໃຫ້ຜູ້ໃຊ້ສາມາດຄົ້ນຫາ ແລະ ຈອງບໍລິການຕ່າງໆ ເຊັ່ນ: ປີ້ຍົນ, ປີ້ລົດໄຟ, ປີ້ລົດໂດຍສານ, ໂຮງແຮມ ແລະ ທົວທ່ອງທ່ຽວ, ເພື່ອເພີ່ມຄວາມສະດວກໃນການວາງແຜນ ແລະ ຈັດການການເດີນທາງ.
ຈາກຜູ້ໃຫ້ບໍລິການໂທລະຄົມ ສູ່ຜູ້ພັດທະນາບໍລິການດິຈິຕອນ
ການພັດທະນາແພລດຟອມເຫຼົ່ານີ້ ສະທ້ອນໃຫ້ເຫັນເຖິງການປ່ຽນແປງ ໃນຍຸດທະສາດຂອງ Unitel: ໂດຍບໍ່ຈຳກັດຢູ່ພຽງການໃຫ້ບໍລິການເຊື່ອມຕໍ່ອິນເຕີເນັດເທົ່ານັ້ນ, ແຕ່ຍັງລົງມືພັດທະນາບໍລິການຕ່າງໆ ເພື່ອຕອບໂຈດຄວາມຕ້ອງການໃນຊີວິດຈິງຂອງຜູ້ໃຊ້. ຜ່ານລະບົບນິເວດ Digital Services, Unitel ມຸ່ງໝາຍທີ່ຈະເຊື່ອມໂຍງຜູ້ໃຊ້ງານກັບບໍລິການ ທີ່ອຳນວຍຄວາມສະດວກຫຼາກຫຼາຍດ້ານໃນຊີວິດປະຈຳວັນ, ນັບຕັ້ງແຕ່ຄວາມບັນເທີງ, ການສື່ສານ ໄປຈົນເຖິງການຈັບຈ່າຍໃຊ້ສອຍ ແລະ ການທ່ອງທ່ຽວ.
ນີ້ແມ່ນໜຶ່ງໃນ 5 ເສົາຄ້ຳສຳຄັນຂອງຍຸດທະສາດການປ່ຽນຜ່ານຈາກ Telco ສູ່ Techco, ເຊິ່ງຈະຊ່ວຍຂະຫຍາຍບົດບາດຂອງ Unitel ໃນຊີວິດດິຈິຕອນຂອງປະຊາຊົນລາວໃຫ້ຫຼາຍຂຶ້ນ.
ໃນງານ Lao Digital Week 2026 ລະຫວ່າງ ວັນທີ 21–25 ຕຸລາ 2026 ທີ່ສູນການຄ້າລາວ – ໄອເຕັກ ຕຶກເກົ່າ ITECC, ນະຄອນຫຼວງວຽງຈັນ, Unitel ຈະນຳສະເໜີລະບົບນິເວດເຕັກໂນໂລຊີດິຈິຕອນ ເຊິ່ງລວມມີແພລດຟອມຕ່າງໆ ທີ່ຕອບສະໜອງຄວາມຕ້ອງການດ້ານຄວາມບັນເທີງ ແລະ ຊີວິດປະຈຳວັນ.
ປະຊາຊົນສາມາດເຂົ້າມາຮ່ວມສຳຜັດ ແລະ ຄົ້ນຫາບໍລິການດິຈິຕອນຂອງ Unitel, ຮຽນຮູ້ວ່າເຕັກໂນໂລຊີກຳລັງສ້າງປະສົບການໃໝ່ໆ ໃຫ້ແກ່ຊີວິດປະຈຳວັນແນວໃດ ພ້ອມຮັບຂອງຂວັນຫຼາຍລາຍການທີ່ໜ້າສົນໃຈ.
