ສົ່ງແຮງເຊຍໃຫ້ສຸດໃຈ! “Thinla” ຕົວແທນປະເທດລາວ ກຽມລະເບີດຄວາມມັນກັບເພງ “Bae” ເທິງເວທີລະດັບທະວີບ Eurovision Song Contest Asia 2026 ມື້ອື່ນນີ້!

ແຟນເພງຊາວລາວ ແລະ ແຟນຄລັບທົ່ວໂລກ ກຽມຕົວໃຫ້ພ້ອມ! ເພາະໃນວັນເສົາ ທີ 14 ພະຈິກ 2026 ນີ້ ນັກຮ້ອງໜຸ່ມໄຟແຮງ Thinla (ທິນລ້າ) ຈະເປັນຕົວແທນຂອງ ສປປ ລາວ ຂຶ້ນສະແດງໂຊສຸດພິເສດໃນງານປະກວດຮ້ອງເພງລະດັບນານາຊາດ Eurovision Song Contest Asia 2026 ດ້ວຍບົດເພງຈັງຫວະມ່ວນຊື່ນ ແລະ ມີສະເໜ່ຢ່າງເພງ “Bae”.

ການຂຶ້ນເວທີຄັ້ງນີ້ຖືເປັນອີກໜຶ່ງບາດກ້າວສຳຄັນຂອງວົງການເພງລາວ ທີ່ໄດ້ນຳເອົາຜົນງານເພງສະໄຕລ໌ຮ່ວມສະໄໝໄປອວດສູ່ສາຍຕາຜູ້ຊົມຫຼາຍສິບລ້ານຄົນທົ່ວພາກພື້ນອາຊີ ເອີຣົບ ແລະ ທົ່ວໂລກ. ດ້ວຍນ້ຳສຽງທີ່ມີເອກະລັກ ບວກກັບພະລັງການສະແດງເທິງເວທີຂອງ Thinla ເຮັດໃຫ້ເພງ “Bae” ຖືກຈັບຕາມອງວ່າຈະສາມາດສ້າງຄວາມປະທັບໃຈ ແລະ ກວາດຄະແນນໂຫວດຈາກຜູ້ຊົມໄດ້ຢ່າງຫຼວງຫຼາຍ.

ເວລາຖ່າຍທອດສົດ ແລະ ຊ່ອງທາງການຮັບຊົມ

ແຟນໆ ສາມາດຮ່ວມຕິດຕາມໃຫ້ກຳລັງໃຈ ແລະ ເບິ່ງການສະແດງສົດຂອງ Thinla ໄດ້ໃນ:

ວັນທີ: ວັນເສົາ ທີ 14 ພະຈິກ 2026

ເວລາ: 20:00 ໂມງ ເປັນຕົ້ນໄປ (ຕາມເວລາໃນປະເທດລາວ GMT+7)

ຊ່ອງທາງອອນລາຍ (ທົ່ວໂລກ): ຮັບຊົມໄດ້ຟຣີຜ່ານການຖ່າຍທອດສົດ (Live Stream) ທາງຊ່ອງແດງ Y ທາງການຂອງ Eurovision Asia ແລະ ເວັບໄຊ eurovisionasia ທີວີ.

ວິທີການໂຫວດເຊຍປະເທດລາວ:

– ຄົນລາວຢູ່ປະເທດລາວ ບໍ່ສາມາດໂຫວດໃຫ້ປະເທດຕົນໄດ້

– ຄົນລາວ ທີ່ຢູ່ຕ່າງປະເທດ ສາມາດໂຫວດໄດ້.

ລາຍລະອຽດການໂຫວດ ຢູ່ກ້ອງຄອມເມັ້ນ

ມາຮ່ວມສົ່ງສຽງເຊຍ ແລະ ກຳລັງໃຈໃຫ້ Thinla ສ້າງປະຫວັດສາດໜ້າໃໝ່ໃຫ້ກັບວົງການເພງລາວ ໃນຄ່ຳຄືນວັນທີ 14 ພະຈິກນີ້!

ເຂົ້າໄປທີ່ເວັບໄຊ www.esc.vote ຫຼື eurovisionasia.tv ໃນຊ່ວງເວລາທີ່ເປີດໂຫວດ.

ເລືອກປະເທດລາວ ແລະ ຢືນຢັນຄະແນນໂຫວດຕາມຂັ້ນຕອນໃນໜ້າຈໍ.

ໝາຍເຫດສຳຄັນສຳລັບການໂຫວດ:

ສຳລັບຄົນຕ່າງປະເທດ ແລະ ຄົນລາວທີ່ຢູ່ຕ່າງແດນ: ສາມາດກົດໂຫວດໃຫ້ ປະເທດລາວ (Laos) ໄດ້ໂດຍກົງ! ຍິ່ງໂຫວດຫຼາຍ ຄະແນນຂອງລາວໃນປະເທດນັ້ນໆ ກໍຈະຍິ່ງສູງຂຶ້ນ.

ສຳລັບຄົນລາວທີ່ຢູ່ໃນ ສປປ ລາວ: ຕາມກະຕິກາສາກົນຂອງ Eurovision ຜູ້ຊົມທີ່ຢູ່ໃນປະເທດຕົນເອງຈະບໍ່ສາມາດໂຫວດໃຫ້ປະເທດຕົນເອງໄດ້ໂດຍກົງ ແຕ່ສາມາດຊ່ວຍກັນ ແຊຣ໌ລິ້ງຖ່າຍທອດສົດ, ຕິດແຮັຊແທັກ #EurovisionAsia#TeamLaos#Thinla ແລະ ຊວນໝູ່ເພື່ອນຊາວຕ່າງປະເທດໃຫ້ຊ່ວຍກົດໂຫວດໃຫ້ Thinla ໄດ້ຢ່າງເຕັມທີ່!

Related Articles

LEAVE A REPLY

Please enter your comment!
Please enter your name here

0FansLike
1,500,000FollowersFollow
0SubscribersSubscribe
- Advertisement -spot_img

Latest Articles