ໂຮງຫມໍແຂວງຫົວພັນ ຂໍແຈ້ງມາຍັງ ການນໍາແຂວງ, ພະນັກງານລັດຖະກອນ, ທະຫານ, ຕໍາຫຼວດ ແລະ ພໍ່ແມ່ປະຊາຊົນຊາວແຂວງຫົວພັນທຸກທ່ານຊາບວ່າ: ເນື່ອງໃນໂອກາດກະກຽມສະເຫຼີມສະຫຼອງວັນສາຍຕາໂລກ ໃນວັນ ທີ 8 ຕຸລາ 2026 ທີ່ຈະມາເຖິງນີ້, ທາງໂຮງຫມໍແຂວງຫົວພັນ ຈະໄດ້ຈັດກິດຈະກໍາລົງເຄື່ອນທີ່ກວດພະຍາດຕາ, ແທກສາຍຕາ ແລະ ປິ່ນປົວ ຕາມແຜນການ ລາຍລະອຽດດັ່ງນີ້:
ວັນທີ 30 ກັນຍາ 2026 (ເວລາ 8:00 – 16:00 ໂມງ): ລົງເຄື່ອນທີ່ກວດພະຍາດຕາ ແລະ ແທກ ສາຍຕາ ໃຫ້ພະນັກງານນັກຮົບຜູ້ທີ່ມີບັນຫາທາງສາຍຕາ ຢູ່ທີ່ກອງບັນຊາການທະຫານແຂວງຫົວພັນ.
ວັນທີ 1 ຕຸລາ 2026 (ເວລາ 8:00 – 16:00 ໂມງ): ລົງເຄື່ອນທີ່ກວດພະຍາດຕາ ແລະ ແທກສາຍຕາ ໃຫ້ພະນັກງານນັກຮົບຜູ້ທີ່ມີບັນຫາທາງສາຍຕາ ຢູ່ທີ່ກອງບັນຊາການ ປກສ ແຂວງຫົວພັນ.
ວັນທີ 2 ຕຸລາ 2026 (ເວລາ 8:00 – 16:00 ໂມງ): ລົງເຄື່ອນໄຫວກວດພະຍາດຕາ ແລະ ແທກສາຍຕາ ໃຫ້ການນໍາແຂວງ ແລະ ພະນັກງານລັດຖະກອນ ຜູ້ທີ່ມີບັນຫາທາງສາຍຕາ ຢູ່ບັນດາພະແນກການອ້ອມຂ້າງ ແຂວງ ໂດຍຈະຈັດຂຶ້ນທີ່ຫ້ອງວ່າການແຂວງຫົວພັນ.
ວັນທີ 5 ຫາ 7 ຕຸລາ 2026 (ບໍລິການ 3 ວັນເຕັມ): ໃຫ້ບໍລິການກວດ, ກັ່ນຕອງຄົນເຈັບ, ບໍລິການ ຜ່າຕັດແກ່ນຕາຂຸ້ນ ແລະ ຜ່າຕັດຊີ້ນຕາປົ່ງ ຢູ່ທີ່ຫນ່ວຍງານຕາ ໂຮງຫມໍແຂວງຫົວພັນ ໂດຍໄດ້ຮັບກຽດຈາກທ່ານ ຫມໍຜ່າຕັດທີ່ມາແຕ່ສູນຕານະຄອນຫຼວງ ຮ່ວມກັບຫມໍຜ່າຕັດປະຈໍາໂຮງຫມໍແຂວງ.
ວັນທີ 8 ຕຸລາ 2026 (ບໍລິການ 1 ວັນເຕັມ): ເປັນມື້ສະເຫຼີມສະຫຼອງວັນສາຍຕາໂລກ ຈະມີການເປີດຕາ ຄົນເຈັບຫຼັງການຜ່າຕັດ, ບໍລິການກວດສຸຂະພາບຕາຟຣີ ແລະ ພິເສດແມ່ນຈະມີການແຈກຢາຍແວ່ນຕາອ່ານຫນັ ງສືໃຫ້ຜູ້ສູງອາຍຸຟຣີ ຢູ່ທີ່ໂຮງຫມໍແຂວງຫົວພັນ.
ນອກຈາກນີ້, ໃນໂຄງການຍັງຈະມີການແຈກຢາຍແວ່ນຕາອ່ານຫນັງສືຟຣີ ໃຫ້ແກ່ຜູ້ສູງອາຍຸທີ່ມີບັນຫາທາງ ສາຍຕາຕື່ມອີກ (ມີຈໍານວນຈໍາກັດ).
ດັ່ງນັ້ນ, ຈຶ່ງແຈ້ງມາຍັງທຸກພາກສ່ວນ ແລະ ພໍ່ແມ່ປະຊາຊົນ ເພື່ອຮັບຊາບ ແລະ ເຊີນຊວນຜູ້ທີ່ມີບັນຫາທາງດ້ານ ສາຍຕາ ເຂົ້າຮ່ວມຮັບການບໍລິການ ຕາມວັນ, ເວລາ ແລະ ສະຖານທີ່ດັ່ງກ່າວດ້ວຍ.
ແຈ້ງການຢູ່ດ້ານລຸ່ມ
