ທ່າມກາງສະພາບວິກິດ ແລະ ຄວາມລຳບາກຈາກໄພນ້ຳຖ້ວມ ຕໍ່ຊີວິດການເປັນຢູ່ຂອງພໍ່ແມ່ປະຊາຊົນຢູ່ເມືອງສອງຄອນ, ດັ່ງນັ້ນ ໃນວັນທີ 23 ສິງຫາ 2026 ນີ້, ທ່ານ ບຸນໂຈມ ອຸບົນປະເສີດ ກຳມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງສະຫວັນນະເຂດ ພ້ອມດ້ວຍຄະນະນຳເມືອງ ເດີນທາງລົງພື້ນທີ່ບ້ານລະຫານ້ຳ ເມືອງສອງຄອນ ເພື່ອຕິດຕາມສະພາບການຢ່າງໃກ້ຊິດ.
ສະຖານະການໄພນ້ຳຖ້ວມໃນເມືອງສອງຄອນ ປັດຈຸບັນຍັງຄົງໜ້າເປັນຫ່ວງ ແລະ ຕ້ອງໄດ້ເຝົ້າລະວັງຢ່າງເຂັ້ມງວດ. ເຖິງວ່າລະດັບນ້ຳເຊບັງຫຽງຈະຫຼຸດລົງເລັກນ້ອຍປະມານ 3 ຊັງຕີແມັດ, ແຕ່ລະດັບນ້ຳໃນຕອນເຊົ້າຂອງວັນທີ 23 ສິງຫາ ນີ້ ຍັງສູງເຖິງ 17 ແມັດ 57 ຊັງຕີແມັດ, ເຊິ່ງເກີນເກນເຕືອນອັນຕະລາຍ (15 ແມັດ) ໄປຫຼາຍ. ສົ່ງຜົນໃຫ້ເຮືອນຊານ, ພື້ນທີ່ການຜະລິດ ແລະ ຊຸມຊົນໃນ 10 ບ້ານ ຖືກນ້ຳຖ້ວມຂັງຢ່າງຕໍ່ເນື່ອງມາແລ້ວ 4 ຫາ 5 ວັນ, ເຮັດໃຫ້ການດຳລົງຊີວິດ, ການສັນຈອນໄປ-ມາ ເປັນໄປດ້ວຍຄວາມຍາກລຳບາກ.
ນອກຈາກເຄື່ອງຂອງແລ້ວ, ການນຳແຂວງ ຍັງໄດ້ມອບງົບປະມານຊ່ວຍເຫຼືອສຸກເສີນ ລວມທັງໝົດ 100 ລ້ານກີບ ໃຫ້ແກ່ເມືອງສອງຄອນ ເພື່ອໃຊ້ໃນວຽກງານຊ່ວຍເຫຼືອ ແລະ ແກ້ໄຂສະພາບໄພພິບັດ.ງົບປະມານຊ່ວຍເຫຼືອ ກຳລັງ ປກຊ ຈຳນວນ 20 ບ້ານ, 10 ລ້ານກີບ ໃຫ້ແກ່ບ້ານລະຫານ້ຳ, ມອບ5 ລ້ານກີບ ໃຫ້ແກ່ສຸກສາລາລະຫານ້ຳ ແລະ ສຸກສາລາສອງຄອນ ເພື່ອເປັນທຶນສຳຮອງໃນການປົກປ້ອງ ແລະ ເບິ່ງແຍງສຸຂະພາບຂອງປະຊາຊົນໃນຊ່ວງວິກິດ.
ທີ່ມາ: ສະຫວັນພັດທະນາ
