ໃນວັນທີ 10 ສິງຫາ 2026 ນີ້! ເວລາປະມານ 19:34 ໂມງ (ຕາມເວລາປະເທດລາວ) ໄດ້ເກີດເຫດແຜ່ນດິນໄຫວຢ່າງຮຸນແຮງ ຂະໜາດ 7.4 ຣິກເຕີ, ຢູ່ແຂວງໂຊໂກ ທາງຕາເວັນຕົກຂອງປະເທດ ໂກໂລມບີ
ແຮງສັ່ນສະເທືອນໄດ້ສົ່ງຜົນໃຫ້ອາຄານຖະລົ່ມ 61 ແຫ່ງ, ບ້ານເຮືອນເສຍຫາຍ1,575 ຫຼັງ, ສາທາລະນະສຸກ 18 ແຫ່ງ, ສະຖານສຶກສາ 52 ແຫ່ງ, ສູນຊຸມຊົນ 17 ແຫ່ງ ແລະ ຖະໜົນ 18 ສາຍ
ຕາມການລາຍງານຈາກສື່ທ້ອງຖິ່ນ ແລະ ໜ່ວຍງານຂອງລັດ ໃນເບື້ອງຕົ້ນ ໄດ້ຢືນຢັນພົບຜູ້ເສຍຊີວິດແລ້ວຢ່າງນ້ອຍ 111 ລາຍ ແລະ ບາດເຈັບຢ່າງນ້ອຍ 87 ລາຍ (ຕົວເລກອາດມີການປ່ຽນແປງ).
ທີ່ໜ້າຕົກໃຈ! ແລະ ເຮັດໃຫ້ປະຊາຊົນໃນພູມິພາກນີ້ວິຕົກກັງວົນກວ່າເກົ່າ ກໍຄືເຫດການນີ້ເກີດຂຶ້ນຫ່າງຈາກເຫດແຜ່ນດິນໄຫວຄັ້ງໃຫຍ່ໃນປະເທດເວເນຊຸເອລາ ພຽງ 46 ມື້ເທົ່ານັ້ນ ເຊິ່ງໃນຕອນນັ້ນ (24 ມິຖຸນາ 2026) ໄດ້ເກີດແຜ່ນດິນໄຫວຊ້ອນກັນ 2 ຄັ້ງ ຂະໜາດ 7.2 ແລະ 7.5 ເຮັດໃຫ້ເກີດຄວາມເສຍຫາຍຢ່າງໜັກໜ່ວງຢູ່ໃກ້ກັບກຸງຄາຣາກາດ ມີຜູ້ເສຍຊີວິດຫຼາຍກວ່າ 6,000 ລາຍ ແລະ ປະຊາຊົນກຳລັງຢູ່ໃນຊ່ວງການຟື້ນຟູເມືອງ
ຄວາມສູນເສຍທີ່ເກີດຂຶ້ນຢ່າງຕໍ່ເນື່ອງນີ້ ກຳລັງສ້າງຄວາມກັງວົນໃຈຢ່າງໜັກໃຫ້ກັບປະຊາຊົນ ແລະ ເຈົ້າໜ້າທີ່ກູ້ໄພ ທີ່ຕ້ອງເລັ່ງແຂ່ງກັບເວລາເພື່ອຄົ້ນຫາຜູ້ລອດຊີວິດຢູ່ກ້ອງຊາກຫັກພັງຢ່າງສຸດຄວາມສາມາດ ແລະຊາວໂລກ ກຳລັງສົ່ງກຳລັງໃຈໃຫ້ຊາວໂກໂລມບີ ໃຫ້ຜ່ານພົ້ນວິກິດໃນຄັ້ງນີ້ໄປໃຫ້ໄດ້
ທີ່ມາ: WorldForum, ໄທຣັດ
