ອີງຕາມການລາຍງານຂອງສູນຕ້ານເອດ/ພຕພ ໃນກອງປະຊຸມທົບທວນວຽກງານ HIV/AIDS ແລະ ພຕພ ທີ່ຫ້ອງປະຊຸມ ເຮືອນພັກນາປາກວາງ ເມືອງທຸລະຄົມ ແຂວງວຽງຈັນ ທີ່ຈັດຂຶ້ນໃນວັນທີ 13 ກໍລະກົດ 2026 ທີ່ຜ່ານມາ.
ໂຕເລກການຕິດເຊື້ອໃນກຸ່ມສາວບໍລິການ ຂອງ ແຂວງອຸດົມໄຊ ແມ່ນໜ້າເປັນຫວງຫຼາຍ ຕາມການລາຍງານ ເຫັນວ່າ: ໃນໄລຍະ 6 ເດືອນຕົ້ນປີ 2026 ມີສາວບໍລິການສະເລ່ຍດັ່ງນີ້:
ສາວບໍລິການຄາດຄະເນ: 698 ຄົນ.
ສາວບໍລິການທີ່ໄດ້ຮັບການກວດ HIV: 264 ຄົນ (38%).
ກວດພົບຜູ້ຕິດເຊື້ອ HIV: 12 ຄົນ.
ອັດຕາການກວດພົບ: 4.55% (12 ຈາກ 264 ຄົນທີ່ໄດ້ກວດ).
ຂໍ້ມູນນີ້ຊີ້ໃຫ້ເຫັນວ່າ ຍັງມີຄວາມຈຳເປັນຕ້ອງເພີ່ມການເຂົ້າເຖິງການກວດ HIV, ການປ້ອງກັນ, ການໃຫ້ຄຳປຶກສາ ແລະ ການເຂົ້າຮັບການຮັກສາໃຫ້ທັນເວລາ.
ຮູ້ໄວ ກວດໄວ ຮັກສາໄວ = ມີຊີວິດທີ່ແຂງແຮງ.
ທີ່ມາ: APLPlus Laos
Lao Youth Radio FM90MHz
