ເນື່ອງຈາກມີຝົນຕົກໜັກຕິດຕໍ່ກັນຫຼາຍວັນ ມາຮອດຕອນເຊົ້າມື້ນີ້ 8 ກໍລະກົດ 2026 ໄດ້ເກີດດິນເຈື່ອນລົງມາຖົມເສັ້ນທາງ ໃນພື້ນທີ່ເມືອງຄູນຄຳ ເພີ່ມອີກ 1 ຈຸດ ຄື: ເສັ້ນທາງເລກທີ 8A ເຂດພູຜາມ່ານ ລົງໄປທາງບ້ານຄູນເງິນ ເມືອງຄູນຄຳ ແຂວງຄໍາມ່ວນ.
ດິນ ແລະ ຫີນຈຳນວນຫຼາຍໄດ້ເຈື່ອນລົງມາທັບຖົມເສັ້ນທາງ ເຮັດໃຫ້ຍານພາຫະນະທຸກປະເພດ ບໍ່ສາມາດສັນຈອນຜ່ານໄປມາໄດ້
ປັດຈຸບັນໜ່ວຍງານທີ່ກ່ຽວຂ້ອງຂອງເມືອງຄູນຄຳ ໄດ້ລົງກວດກາພື້ນທີ່ແລ້ວ ແລະ ກຳລັງດຳເນີນການແກ້ໄຂຢູ່.
ຈຶ່ງຂໍແຈ້ງເຕືອນຜູ້ທີ່ມີຈຸດປະສົງຈະເດີນທາງໄປທາງແຍກຫຼັກ 20 ຫຼື ຈະນຳໃຊ້ເສັ້ນທາງເລກທີ 8A ໃນໄລຍະນີ້ ຂໍໃຫ້ຢຸດຊົ່ວຄາວກ່ອນ ຫຼື ຫຼີກລ່ຽງການສັນຈອນເສັ້ນທາງດັ່ງກ່າວກ່ອນ, ເນື່ອງຈາກສະພາບອາກາດຍັງມີຝົນຕົກລົງມາຢ່າງຕໍ່ເນື່ອງ ອາດຈະມີຄວາມສ່ຽງ ເກີດດິນເຈື່ອນຖົມທາງໄດ້ງ່າຍ.
ທີ່ມາ: ໂຄສະນາ ຂ່າວສານເມືອງຄູນຄຳ
