ຂ່າວດີ! ສປປ ລາວ ກຽມເບິ່ງບານໂລກຟຣີ! ບໍລິສັດ ສະຕາ ໂທລະຄົມ (ຢູນິເທວ) ໄດ້ຮັບລິຂະສິດໃນການຖ່າຍທອດສົດ FIFA World Cup 2026 ແຕ່ພຽງຜູ້ດຽວ, ໂດຍຈະມີການຖ່າຍທອດທັງໝົດ 104 ນັດ.
ຜ່ານຊ່ອງທາງ ທາງໂທລະພາບແຫ່ງຊາດລາວ ຫຼື ເບິ່ງຜ່ານແອັບ LaoTV ຂອງ Unitel ແລະ ທີ່ສຳຄັນທ່ານສາມາດເບິ່ງການສາຍຄືນ ຫຼື ໄຮໄລ້ຄືນ ແຕ່ລະນັດແບບຖືກລິຂະສິດ 100% ໄດ້ທີ່ LaoTV.
ບານໂລກ 2026 ຈະຖືກຈັດຂຶ້ນພາຍໃຕ້ເຈົ້າພາບຮ່ວມ 3 ປະເທດໃນທະວີບອາເມຣິກາເໜືອ ໄດ້ແກ່: ສະຫະລັດອາເມຣິກາ, ການາດາ ແລະ ເມັກຊິກ ເຊິ່ງຄວາມພິເສດສູງສຸດຂອງທົວນາເມັນນີ້ ຄືການເພີ່ມຈຳນວນທີມທີ່ເຂົ້າຮ່ວມແຂ່ງຂັນຮອບສຸດທ້າຍຈາກ 32 ທີມ ເພີ່ມຂຶ້ນເປັນ 48 ທີມ ແບ່ງເປັນ 12 ກຸ່ມ, ກຸ່ມລະ 4 ທີມ, ເປັນຄັ້ງທຳອິດ ເຮັດໃຫ້ການແຂ່ງຂັນມີຄວາມເຂັ້ມຂຸ້ນ, ຍາວນານ ແລະ ເປີດໂອກາດໃຫ້ຊາດຕ່າງໆ ຈາກທົ່ວທຸກທະວີບໄດ້ກ້າວຂຶ້ນມາສະແດງສັກກາຍະພາບໃນເວທີລະດັບໂລກຫຼາຍຂຶ້ນ.
ການແຂ່ງຂັນຮອບສຸດທ້າຍ ຈະມີຂຶ້ນລະຫວ່າງວັນທີ 11 ມິຖຸນາ ຫາ ວັນທີ 19 ກໍລະກົດ 2026 ນີ້.
ທີ່ມາ: Unitel
Lao Youth Radio FM90.0MHz
