ຖືເປັນບາດກ້າວສຳຄັນທາງການທູດຫວຽດນາມ! ເມື່ອ ທ່ານ ໂຕ ເລິມ, ເລຂາທິການໃຫຍ່ພັກກອມມູນິດຫວຽດນາມ ໄດ້ເຂົ້າຮ່ວມກອງປະຊຸມຫາລືກັບ ທ່ານ ໂດນັນ ທຣຳ, ປະທານາທິບໍດີສະຫະລັດອາເມລິກາ ທີ່ທຳນຽບຂາວ (White House) ໃນວັນທີ 20 ກຸມພາ 2026 ທີ່ຜ່ານມາ.
ປະເດັນສຳຄັນຈາກການພົບປະ:
ທ່ານ ໂຕ ເລິມ ເປັນໜຶ່ງໃນຜູ້ນຳກຸ່ມທຳອິດທີ່ຕອບຮັບຄຳເຊີນເຂົ້າຮ່ວມກອງປະຊຸມ “ຄະນະກຳມະການສັນຕິພາບ ກາຊາ” (Gaza Board of Peace) ເພື່ອຊຸກຍູ້ສັນຕິພາບໃນລະດັບສາກົນ.
ທັງສອງຝ່າຍຢືນຢັນວ່າການຮ່ວມມືດ້ານການຄ້າ ແລະ ເສດຖະກິດ ແມ່ນ “ເສົາຄ້ຳ” ທີ່ສຳຄັນທີ່ສຸດໃນສາຍພົວພັນແບບກວມລວມ. ຫວຽດນາມ ພ້ອມແລກປ່ຽນຢ່າງກົງໄປກົງມາເພື່ອຜົນປະໂຫຍດທີ່ສົມດຸນຂອງທັງສອງປະເທດ.
ທ່ານ ປະທານາທິບໍດີ ທຣຳ ໄດ້ແຈ້ງໃຫ້ໜ່ວຍງານທີ່ກ່ຽວຂ້ອງ ພິຈາລະນາ ປົດລັອກຫວຽດນາມອອກຈາກບັນຊີລາຍຊື່ຄວບຄຸມການສົ່ງອອກຍຸດທະສາດ (D1-D3) ເພື່ອເປີດທາງໃຫ້ມີການຮ່ວມມືດ້ານໄຮເທັກ (High-tech) ຫຼາຍຂຶ້ນ.
ທ່ານ ທຣຳ ສະແດງຄວາມຊົມເຊີຍຕໍ່ບົດບາດຂອງຫວຽດນາມໃນເວທີສາກົນ ແລະ ຢືນຢັນສະໜັບສະໜູນຫວຽດນາມໃຫ້ “ເຂັ້ມແຂງ, ເປັນເອກະລາດ ແລະ ຮັ່ງມີ”.
ດ້ານ ທ່ານ ໂຕ ເລິມ ຍັງໄດ້ເຊີນທ່ານ ໂດນັນ ທຣຳ ແລະ ພັນລະຍາ ໄປຢ້ຽມຢາມຫວຽດນາມໃນໄວໆນີ້, ເຊິ່ງທ່ານ ທຣຳ ກໍໄດ້ຕອບຮັບດ້ວຍຄວາມຍິນດີ!
ການພົບປະກັນໃນຄັ້ງນີ້ ບໍ່ພຽງແຕ່ເປັນການຮ່ວມມືດ້ານເສດຖະກິດ, ແຕ່ຍັງເປັນການຍົກລະດັບຖານະຂອງຫວຽດນາມ ໃນການເປັນຕົວແປສຳຄັນຂອງສັນຕິພາບໂລກອີກດ້ວຍ.
ທີ່ມາ: VN Express
Lao Youth Radio FM90FM
