ກະຊວງໂຍທາທິການ ແລະ ຂົນສົ່ງ ຂໍຖືເປັນກຽດແຈ້ງມາຍັງທ່ານພິຈາລະນາຊີ້ນໍາພະແນກ ຍທຂ ແຂວງ ນະຄອນຫຼວງວຽງຈັນ, ບັນດາເມືອງ ເພີ່ມທະວີຄວາມເອົາໃຈໃສ່ໃນການຕິດຕາມກວດກາ ແລະ ລົງຊຸກຍູ້ຕົວຈິງບັນດາຫົວ ຫນ່ວຍທຸລະກິດຂົນສົ່ງ ແລະ ບໍລິສັດຮັບເໝົາກໍ່ສ້າງ ພາຍໃນແຂວງ, ນະຄອນຫຼວງວຽງຈັນ ໃຫ້ເອົາໃຈໃສ່ແທ້ໆຕໍ່ກັບການ ຮັກສາສິ່ງແວດລ້ອມ ປ້ອງກັນຂີ້ຝຸ່ນ, ຂີ້ໄງ່ຈາກການຂົນສົ່ງ ຢູ່ຕາມບັນດາເສັ້ນທາງ ໃນຂອບເຂດຄວາມຮັບຜິດຊອບຂອງຕົນ ໂດຍສະເພາະແມ່ນຕາມເສັ້ນທາງດິນດໍາ, ດິນແດງ, ທາງປູຫີນ ທີ່ມີການຂົນສົ່ງແຮ່ທາດ, ການແກ່ດິນຖົມ, ແກ່ດິນ-ຫີນ-ຊາຍ ເພື່ອຮັບໃຊ້ການກໍ່ສ້າງ ແລະ ການຂົນສົ່ງສິນຄ້າຕ່າງໆຈໍານວນຫຼາຍ ແລະ ເປັນປະຈໍາ ຜ່ານເຂດຊຸມຊົນ ແລະ ບ້ານເຮືອນ ປະຊາຊົນ ຕ້ອງມີການຫົດນໍ້າເປັນປະຈໍາ, ຫຼຸດຜ່ອນຄວາມໄວ ແລະ ຮັກສາໄລຍະຫ່າງ ພໍສົມຄວນໃນການຂົນສົ່ງຂົນສົ່ງ ເພື່ອໃຫ້ໄປຕາມມາດຕະການຫຼຸດຜ່ອນຜົນກະທົບຕ່າງໆ ຕາມຜົນການສຶກສາຜົນກະທົບສິ່ງແວດລ້ອມ-ສັງຄົມ ;
ຖ້າບໍລິສັດໃດ, ລົດຄັນໃດ ບໍ່ປະຕິບັດແມ່ນໃຫ້ເຈົ້າຫນ້າທີ່ກ່ຽວຂ້ອງ ກ່າວເຕືອນດໍາເນີນການປັບໄຫມ ແລະ ຖ້າຍັງສືບຕໍ່ລະເມີດແມ່ນໃຫ້ ປັບໄຫມຫຼາຍຂຶ້ນ ແລະ ກ້າວໄປເຖິງໃຫ້ຢຸດຕິການຂົນສົ່ງ.
ດັ່ງນັ້ນ, ຈຶ່ງແຈ້ງມາຍັງບັນດາທ່ານ ເພື່ອຊາບ ແລະ ປະຕິບັດຕາມເນື້ອໃນຫນັງສືທາງລັດຖະການສະບັບນີ້ ຢ່າງເຂັ້ມງວດ.
ລ່ຍລະອຽດຕາມແຈ້ງການດ້ານລຸ່ມ
