ວັນທີ 07 ມັງກອນ 2026 – Tether ບໍລິສັດໃຫຍ່ທີ່ສຸດໃນອຸດສະຫະກຳຊັບສິນດິຈິຕອນ ແລະ Bitqik ສູນຊື້-ຂາຍຊັບສິນດິຈິຕອນທີ່ໄດ້ຮັບອະນຸຍາດໃນລາວ ໄດ້ປະກາດການຮ່ວມມືດ້ານຍຸດທະສາດທີ່ມີເປົ້າຫມາຍສົ່ງເສີມຄວາມຮູ້ທາງການເງິນກ່ຽວກັບ ບິດຄອຍ (Bitcoin) ແລະ Stablecoin ໃນ ສປປ ລາວ.
Bitqik ເປັນສູນຊື້-ຂາຍຊັບສິນດິຈິຕອນໃນປະເທດລາວ ເຊິ່ງໃຫ້ບໍລິການຊື້-ຂາຍເງິນຄຣິບໂຕ ແລະຊັບສິນດິຈິຕອນທີ່ຫລາກຫລາຍ ໂດຍມີພາລະກິດໃນການນຳສະເຫນີຜະລິດຕະພັນ ແລະບໍລິການທີ່ຊ່ອຍໃຫ້ທຸກຄົນ ສາມາດຮັບສົ່ງເງິນຄຣິບໂຕໄດ້ທຸກທີ່ທຸກເວລາຢ່າງສະດວກ ສະບາຍ ແລະປອດໄພ. ບິດຄິກເຊື່ອຫມັ້ນວ່າ ຊັບສິນດິຈິຕອນແບບກະຈາຍສູນ ຈະເປັນຈຸດປ່ຽນຂອງເສດຖະກິດໂລກ ແລະເສລີພາບທາງການເງິນຈະກາຍເປັນສິ່ງຂັບເຄື່ອນນະວັດຕະກຳທາງເສດຖະກິດ, ເພີ່ມປະສິດຕິພາບ ແລະຄວາມເທົ່າທຽມຂອງການເຂົ້າເຖິງລະບົບການເງິນໄດ້ທົ່ວໂລກ ເຊິ່ງສອດຄ່ອງກັບພາລະກິດຂອງ Tether ຢ່າງສົມບູນແບບ.
ພາຍໃຕ້ການຮ່ວມມືໃນຄັ້ງນີ້ Bitqik ມີເປົ້າຫມາຍຂະຫຍາຍການເຂົ້າເຖິງເທັກໂນໂລຍີບລັອກເຊນ ໂດຍການສົ່ງເສີມແລະໃຫ້ຄວາມຮູ້ແກ່ຕະຫລາດລາວ ກ່ຽວກັບ USD₮ ແລະບົດບາດຂອງ Stablecoin ໃນການຂັບເຄື່ອນການເຂົ້າເຖິງລະບົບການເງິນ. ໂຄງການລິເລີ່ມນີ້ ອອກແບບມາເພື່ອສ້າງຄວາມເຊື່ອຫມັ້ນ ແລະຄວາມຫມັ້ນໃຈໃນ Stablecoin ໂດຍວາງຕຳແຫນ່ງໃຫ້ USD₮ ເປັນປັດໃຈສຳຄັນໃນການເຂົ້າເຖິງການລົງທຶນດ້ານຊັບສິນດິຈິຕອນ, ການໂອນເງິນ ແລະເປັນສ່ວນນຶ່ງໃນລະບົບການເງິນຍຸກດິຈິຕອນ ເພື່ອໃຫ້ກຸ່ມຄົນໃນສັງຄົມ ນັກຮຽນນັກສຶກສາ ແລະຜູ້ປະກອບການເຂົ້າເຖິງການປະຍຸກໃຊ້ Stablecoin ໄດ້ຫລາຍຂຶ້ນ.
ເພື່ອໃຫ້ບັນລຸເປົ້າຫມາຍນີ້ Bitqik ຈະຈັດກິດຈະກຳຂຶ້ນໃນເມືອງຫລັກໆເຊັ່ນ: ວຽງຈັນ, ປາກເຊ, ວັງວຽງ, ຫລວງພະບາງ ໂດຍເນັ້ນຫນັກໃຫ້ຄວາມຮູ້ກ່ຽວກັບ Stablecoin ແລະການຊື້-ຂາຍເງິນຄຣິບໂຕ. ກິດຈະກຳເຫລົ່ານີ້ແມ່ນເພື່ອເສີມສ້າງຄວາມຮູ້ ແລະທັກສະໃຫ້ກັບຜູ້ເຂົ້າຮ່ວມ ຊ່ອຍໃຫ້ຜູ້ເຂົ້າຮ່ວມໄດ້ຮັບຮູ້ແລະເຂົ້າໃຈກ່ຽວກັບເສດຖະກິດດິຈິຕອນຫລາຍຂຶ້ນ. ນອກນັ້ນຈະມີການສ້າງສື່ອອນລາຍສຳລັບຮຽນຮູ້ ແລະສົ່ງເສີມການເຂົ້າເຖິງຊັບສິນດິຈິຕອນຢ່າງຖືກຕ້ອງແລະຄົບຖ້ວນ. ໂຄງການນີ້ມີເປົ້າຫມາຍ ສ້າງຄວາມຮູ້ໃຫ້ສັງຄົມລາວຫລາຍກວ່າ 10.000 ຄົນ ເຂົ້າໃຈກ່ຽວກັບຊັບສິນດິຈິຕອນຫລາຍຂຶ້ນ ຜ່ານການຈັດສຳມະນາ, ເຮັດ Roadshow ແລະຄອນເທັ້ນອອນລາຍ ໂດຍວາງຕຳແຫນ່ງໃຫ້ USD₮ ເປັນ Stablecoin ທີ່ໄດ້ຮັບຄວາມໄວ້ວາງໃຈແລະນິຍົມໃຊ້ໃນຕະຫລາດລາວ.
ທ່ານ ເປົາໂລ ອາດຸຍໂນ CEO ຂອງ Tether ກ່າວວ່າ: “ພວກເຮົາຕື່ນເຕັ້ນສະເຫມີ ເມື່ອມີໂອກາດໄດ່ຮ່ວມມືກັບອົງກອນທີ່ມີວິໄສທັດກວ້າງໄກໃນພູມມິພາກຕ່າງໆ ເພື່ອນຳສະເຫນີການສຶກສາທາງການເງິນ ແລະສົ່ງເສີມການໃຊ້ຊັບສິນດິຈິຕອນຢ່າງຖືກຕ້ອງ ເພື່ອໃຫ້ທຸກຄົນສາມາດເຂົ້າຮ່ວມເປັນສ່ວນນຶ່ງໃນເສດຖະກິດດິຈິຕອນໄດ້ຢ່າງດີ, ໂລກຂອງເງິນຄຣິບໂຕນັ້ນມີການພັດທະນາຢູ່ຕະຫລອດເວລາ ແລະພວກເຮົາຕ້ອງການໃຫ້ໂອກາດນີ້ເຂົ້າເຖິງທຸກຄົນໃນທຸກສະຖານທີ່ຢ່າງຖືກວິທີ ນັ້ນຄືເຫດຜົນທີ່ເຮົາເຮັດວຽກຮ່ວມກັບບໍລິສັດຢ່າງ Bitqik ເພື່ອເຊື່ອມໂຍງຊ່ອງຫວ່າງໂດຍການໃຫ້ຂໍ້ມູນທີ່ລະອຽດແລະຖືກຕ້ອງ”
ທ່ານ ວິຣະສັກ ວີຣະວົງ CEO ຂອງ Bitqik ກ່າວວ່າ: “ບິດຄິກ ມີຄວາມຍິນດີເປັນຢ່າງຍິ່ງທີ່ໄດ້ຮ່ວມມືກັບ Tether ເຊິ່ງເປັນບໍລິສັດຊັ້ນນຳໃນອຸດສາຫະກຳຊັບສິນດິຈິຕອນລະດັບໂລກ. ໃນສູນຊື້-ຂາຍເງິນຄຣິບໂຕ Bitqik Exchange ເອງມີຟັງຊັນໃນການເທຣດແລະແລກປ່ຽນຄຣິບໂຕ ໂດຍນຳໃຊ້ USD₮ ເປັນຫລັກ, ນອກນັ້ນໃນພາກສ່ວນຂອງ Bitqik Academy ກໍຈະມີກິດຈະກຳສົ່ງເສີມຄວາມຮູ້ແກ່ຄົນລາວ ໃຫ້ເຂົ້າໃຈເລື່ອງເທັກໂນໂລຍີບລັອກເຊນ ແລະ ຊັບສິນດິຈິຕອນຫລາຍຂຶ້ນ ເຊັ່ນການລົງທຶນໃນບິດຄອຍ ແລະການນຳໃຊ້ Stablecoin ໂດຍສະເພາະ USD₮ ທີ່ເປັນ Stablecoin ຫລັກທີ່ໄດ້ຮັບຄວາມນິຍົມໃນຕະຫລາດລາວ. ການຮ່ວມມືໃນຄັ້ງນີ້ຈະເຮັດໃຫ້ຄົນລາວໄດ້ມີໂອກາດເຂົ້າເຖິງຊັບສິນດິຈິຕອນຫລາຍຂຶ້ນ ຜ່ານກິດຈະກຳຕ່າງໆທີ່ຈະເກີດຂຶ້ນຕະຫລອດປີ 2026”
ກ່ຽວກັບ Tether ແລະ USD₮
Tether ເປັນຜູ້ບຸກເບີກດ້ານເທັກໂນໂລຍີຫລຽນ Stablecoin ເຊິ່ງຂັບເຄື່ອນເພື່ອປະຕິວັດພາບລວມຂອງລະບົບການເງິນໂລກ. ພາລະກິດຫລັກຂອງບໍລິສັດແມ່ນການສ້າງໂຄງລ່າງພື້ນຖານດ້ານການເງິນ, ການສື່ສານ ແລະພະລັງງານ ທີ່ເຂົ້າເຖິງໄດ້ງ່າຍ, ປອດໄພ ແລະມີປະສິດຕິພາບສູງ. Tether ຊ່ອຍເພີ່ມທາງເລືອກການເຂົ້າເຖິງລະບົບການເງິນ ແລະຄວາມຫມັ້ນຄົງໃນການສື່ສານ, ສົ່ງເສີມການເຕີບໂຕທາງເສດຖະກິດ ແລະເສີມສ້າງສັກກະຍະພາບໃຫ້ກັບບຸກຄົນ ແລະພາກທຸລະກິດໃຫ້ເຂັ້ມແຂງ.
ໃນນາມຜູ້ສ້າງຫລຽນ Stablecoin ທີ່ໃຫຍ່ທີ່ສຸດ ໂປ່ງໃສທີ່ສຸດ ແລະມີສະພາບຄ່ອງຫລາຍທີ່ສຸດໃນອຸດສາຫະກຳນີ້, Tether ມຸ່ງຫມັ້ນທີ່ຈະສ້າງໂຄງລ່າງພື້ນຖານທີ່ຍືນຍົງ ແລະຄ່ອງໂຕ ເພື່ອສົ່ງເສີມກຸ່ມຄົນທີ່ຂາດໂອກາດ ໂດຍອາໄສເທັກໂນໂລຍີບລັອກເຊນ ແລະເທັກໂນໂລຍີແບບ Peer-to-Peer ທີ່ທັນສະໄຫມ, ເພື່ອຮັບປະກັນວ່າຈະເຊື່ອມໂຍງຊ່ອງຫວ່າງລະຫວ່າງລະບົບການເງິນແບບດັ້ງເດີມ ແລະລະບົບການເງິນແບບກະຈາຍສູນທີ່ກຳລັງມີບົດບາດສູງໃນລະບົບເສດຖະກິດໂລກໃນປັດຈຸບັນ.
