ຂໍເຊີນ ບັນດາ ຜູ້ຜະລິດຄອນເທັນ ດິຈິຕອນ ບໍ່ວ່າຈະເປັນ Content Creators, Influencers, Youtubers, Tiktokers, Filmmakers ໃນທົ່ວປະເທດ ສະໝັກເຂົ້າຮ່ວມການຝຶກອົບຮົມ ແບບເຊິ່ງໜ້າ ຢູ່ນະຄອນຫຼວງວຽງຈັນ, ພາຍໃຕ້ໂຄງການ GAMCIL ການລາຍງານຂ່າວ ປັນຫາສິ່ງແວດລ້ອມ, ສະໝັກເຂົ້າຮ່ວມງານຟຣີ ພ້ອມສິດທິພິເສດຫຼາຍຢ່າງ !!!
ເງື່ອນໄຂການສະໝັກ:
– ເປັນຊາວໜຸ່ມລາວ ອາຍຸ 18-35 ປີ ໃນທົ່ວປະເທດ
– ມັກຮັກໃນການຜະລິດຄອນເທັນອອນລາຍ ແລະ ຜະລິດຄອນເທັນ ຂອງຕົນເອງ ເປັນປະຈໍາ ລົງໃນແພລັດຟອມຕ່າງໆ ແລະ ມີຄວາມສົນໃຈ ຜະລິດຄອນເທັນ ກ່ຽວກັບ ສິ່ງແວດລ້ອມ
– ເປັນ Content Creators, Influencers, Youtubers, Tiktokers, Filmmakers ໃນທຸກສາຍ ສາມາດສະໝັກໄດ້
– ສາມາດເດີນທາງມາຮ່ວມຝຶກອົບຮົມ ແບບເຊິ່ງໜ້າ ຢູ່ນະຄອນຫຼວງວຽງຈັນໄດ້.
ສິດທິພິເສດ ທີ່ທ່ານຈະໄດ້ຮັບ
– ເຂົ້າຮ່ວມງານໂດຍບໍ່ມີຄ່າໃຊ້ຈ່າຍໃດໆ
– ຜູ້ມາຈາກຕ່າງແຂວງ ຫຼື ຢູ່ໄກ, ທາງໂຄງການ ຈະອໍານວຍຄວາມສະດວກ ທາງດ້ານທີ່ພັກ, ອາຫານ, ການເດີນທາງ ແລະ ອັດຕາເບ້ຍລ້ຽງ ຕະຫຼອດໄລຍະການຝຶກອົບຮົມ. ສ່ວນຜູ້ຢູ່ນະຄອນຫຼວງວຽງຈັນ ທາງໂຄງການແມ່ນຈະມີເບ້ຍລ້ຽງ ແລະ ຄ່ານໍ້າມັນ ເດີນທາງ ມາຮ່ວມຝຶກອົບຮົມ ປະຈໍາວັນໃຫ້ຕື່ມ.
– ພາຍຫຼັງຝຶກອົບຮົມ ສາມາດສົ່ງຜົນງານເຂົ້າຮ່ວມການແຂ່ງຂັນ ຜະລິດຄອນເທັນຂ່າວ ຊິງລາງວັນ ຫຼາກຫຼາຍ.
– ລຸ້ນຮັບໂອກາດ ເປັນຕົວແທນ ຈາກ ສປປ ລາວ ເພື່ອເຂົ້າຮ່ວມ ການໄປທັດສະນະສຶກສາ ແລະ ຝຶກອົບຮົມ ຢູ່ຕ່າງປະເທດ.
– ຮັບໃບຢັ້ງຢືນການເຂົ້າຮ່ວມຝຶກອົບຮົມ ຈາກໂຄງການ.
ວັນເວລາການສະໝັກ ແລະ ຝຶກອົບຮົມ
ສະໝັກອອນລາຍ ໂດຍບໍ່ມີຄ່າໃຊ້ຈ່າຍໃດໆ ທີ່ລິ້ງຂ້າງລຸ່ມນີ້:
https://forms.gle/kyhvditFX4RYeGSj9
ລາຍລະອຽດ:
– ປິດຮັບສະໝັກວັນທີ 9 ເມສາ 2026
– ປະກາດລາຍຊື່ຜູ້ທີ່ຖຶກເລືອກເຂົ້າຮ່ວມຝຶກອົບຮົມ ວັນທີ 22 ເມສາ 2026.
– ງານຈັດຂື້ນໃນວັນທີ 11-15 ພຶດສະພາ 2026.
– ສະຖານທີ່: ໂຮງແຮມ Holiday Inn & Suites, ນະຄອນຫຼວງວຽງຈັນ.
– ໂຄງການຮັບຜິດຊອບອັດຕາເດີນທາງ, ກິນຢູ່ ພັກເຊົ່າ ໃຫ້ຕະຫຼອດການເຂົ້າຮ່ວມຝຶກອົບຮົມ.
– ພາຍຫຼັງສຳເລັດຝຶກອົບຮົມ ໂຄງການມີໃບຢັ້ງຢືນໃຫ້ ແລະ ຈະໄດ້ຮັບໂອກາດເຂົ້າຮ່ວມເຄື່ອນໄຫວກິດຈະກຳອື່ນໆ ຂອງໂຄງການ
ສອບຖາມຂໍ້ມູນເພີ່ມຕື່ມ: ວອດແອັບ 020 55603139
ໂຄງການ Green Action through Media, Mass Organization and Civil Society in Laos (GAMCIL) ແມ່ນໂຄງການທີ່ໄດ້ຮັບການສະໜັບສະໝູນຈາກ ສະຫະພາບ ເອີຣົບ ປະຈໍາ ສປປ ລາວ, ຈັດຕັ້ງປະຕິບັດໂດຍ ອົງການແຄຣ໌ ລາວ ແລະ ສະມາຄົມນັກຂ່າວ ແຫ່ງ ສປປ ລາວ.
