ແຕ່ຫຼາຍຄົນອາດຈະເຂົ້າໃຈຜິດວ່າ ດວງຈັນຈະປ່ຽນເປັນສີບົວ. ໃນຄວາມເປັນຈິງແລ້ວ, ດວງຈັນຍັງຄົງມີແສງສີນວນປົກກະຕິຄືກັບທຸກຄັ້ງທີ່ຜ່ານມາ!
ເປັນຫຍັງຈຶ່ງເອີ້ນວ່າ Pink Moon?
ຊື່ນີ້ມີທີ່ມາຈາກຄວາມເຊື່ອ ແລະ ການເອີ້ນຂອງຊາວອາເມລິກາພື້ນເມືອງ ໂດຍເຂົາເຈົ້າໃຊ້ຊື່ນີ້ເພື່ອບົ່ງບອກເຖິງຊ່ວງເວລາທີ່ “ດອກໄມ້ປ່າສີບົວ” (Wild Ground Phlox) ກໍາລັງເບັ່ງບານໃນຊ່ວງເດືອນເມສາຂອງທຸກໆປີ ເລີຍກາຍມາເປັນຊື່ເອີ້ນຂອງດວງຈັນເຕັມດວງໃນເດືອນເມສານັ້ນເອງ.
ໃນທາງວິທະຍາສາດເປັນໄປໄດ້ບໍ ທີ່ຈະເຫັນດວງຈັນເປັນສີບົວ?
ຕາມທຳມະຊາດແລ້ວ ເຮົາບໍ່ສາມາດເຫັນດວງຈັນເປັນສີບົວໄດ້ເລີຍ ຍົກເວັ້ນໃນກໍລະນີທີ່ເກີດສະພາວະທີ່ຮຸນແຮງເທົ່ານັ້ນ ເຊັ່ນ: ມີຂີ້ເຖົ່າຈາກພູເຂົາໄຟປົກຄຸມໜາແໜ້ນໃນຊັ້ນບັນຍາກາດ ຈົນເຮັດໃຫ້ແສງຈາກດວງຈັນ ເຫັນເປັນສີບົວເຂັ້ມໄດ້.
ເຖິງແມ່ນວ່າດວງຈັນຈະບໍ່ໄດ້ປ່ຽນເປັນສີບົວ, ແຕ່ຄວາມສວຍງາມຂອງດວງຈັນເຕັມດວງໃນຄືນວັນທີ 1 ເມສານີ້ ກໍຍັງຄົງໜ້າຕິດຕາມຄືເກົ່າ. ທີ່ສຳຄັນໄປກວ່ານັ້ນ, ໃນຕອນເຊົ້າຂອງວັນທີ 2 ເມສາ ຈະມີພາລະກິດການເດີນທາງກັບໄປສຳຫຼວດດວງຈັນຂອງມະນຸດອີກຄັ້ງ ເຊິ່ງຖືເປັນເຫດການປະຫວັດສາດທາງດ້ານອະວະກາດທີ່ໜ້າຕິດຕາເບິ່ງທີ່ສຸດ!
ທີ່ມາ: NASA
Lao Youth Radio FM90MHz
