ເຄີຍສົງໄສບໍ່ວ່າ? ເປັນຫຍັງການນອນກອດນ້ອງໝາບາງຄັ້ງມັນຄືຮູ້ສຶກອຸ່ນໃຈ ແລະ ຫຼັບເຕັມອີ່ມກວ່າການນອນຂ້າງໆຄົນຮັກ. ບໍ່ແມ່ນເລື່ອງບັງເອີນແນ່ນອນ ເພາະຜົນການວິໄຈຈາກ Canisius College ໄດ້ຄົ້ນພົບຂໍ້ມູນທີ່ໜ້າສົນໃຈຫຼາຍກ່ຽວກັບເລື່ອງນີ້.
ຄຸນນະພາບການນອນທີ່ເໜືອກວ່າ
ຈາກການສຶກສາພົບວ່າ ຜູ້ຍິງສ່ວນໃຫຍ່ທີ່ແບ່ງປັນຕຽງນອນກັບ “ໝາ” ມັກຈະມີ ຄຸນນະພາບການນອນທີ່ດີກວ່າ ເມື່ອທຽບກັບການນອນຮ່ວມຕຽງກັບມະນຸດດ້ວຍກັນ. ຍ້ອນຫຍັງນັ້ນຫວາ? ມາເບິ່ງເຫດຜົນກັນ:
1. ລົບກວນໜ້ອຍກວ່າ: ໝາມັກຈະນອນນິ່ງ ແລະ ບໍ່ຄ່ອຍມີການດຶງຜ້າຫົ່ມ ຫຼື ນອນໂກນ ທີ່ເຮັດໃຫ້ເຮົາສະດຸ້ງຕື່ນກາງດຶກ.
2. ຄວາມຮູ້ສຶກປອດໄພ: ສຽງລົມຫາຍໃຈທີ່ສະໝໍ່າສະເໝີ ແລະ ການຢູ່ໃກ້ຊິດຂອງພວກມັນ ສ້າງຄວາມຮູ້ສຶກ “ປອດໄພ” ໃຫ້ກັບເຈົ້າຂອງໄດ້ຢ່າງປະຫຼາດ.
3. ຄວາມສະບາຍໃຈທີ່ຄົງທີ່: ໝາໃຫ້ຄວາມອົບອຸ່ນ ແລະ ຄວາມສະບາຍແບບບໍ່ມີເງື່ອນໄຂ ເຮັດໃຫ້ຮ່າງກາຍຜ່ອນຄາຍໄດ້ໄວຂຶ້ນ.
ຫຼາຍກວ່າການນອນ ຄື “ຄວາມອຸ່ນໃຈ”
ສິ່ງທີ່ໜ້າສົນໃຈຄື ຜູ້ເຂົ້າຮ່ວມການວິໄຈລະບຸວ່າ ໝາສາມາດມອບ “Sense of Security” ຫຼື ຄວາມຮູ້ສຶກຖືກປົກປ້ອງໄດ້ດີກວ່າຄົນ. ການທີ່ຮູ້ວ່າເຮົາມີ “ຜູ້ເຝົ້າຍາມ” ທີ່ຊື່ສັດນອນຢູ່ຂ້າງໆ ຊ່ວຍໃຫ້ສະພາວະຈິດໃຈຂອງເຮົາເຂົ້າສູ່ການພັກຜ່ອນທີ່ເລິກເຊິ່ງກວ່າເກົ່າ.
ສາຍໃຍ ແລະ ກິດຈະວັດທີ່ດີ
ການມີໝານອນນຳບໍ່ພຽງແຕ່ເປັນເລື່ອງຂອງຄວາມນຸ້ມນິ່ມເທົ່ານັ້ນ ແຕ່ມັນຄືການສ້າງ Routine ທີ່ໝັ້ນຄົງ. ການທີ່ເຂົາຄອຍຖ້ານອນພ້ອມເຮົາ ແລະ ຕື່ນພ້ອມເຮົາ ມັນຄືການຢືນຢັນທາງອາລົມ ທີ່ເຮັດໃຫ້ເຮົາຮູ້ສຶກວ່າ “ບໍ່ໄດ້ຢູ່ໂດດດ່ຽວ”.
“ບາງທີ ຄຳຕອບຂອງການນອນຫຼັບຝັນດີ ອາດຈະບໍ່ໄດ້ຢູ່ທີ່ໝອນລາຄາແພງ ແຕ່ຢູ່ທີ່ໝູ່ສີ່ຂາທີ່ນອນເຝົ້າຢູ່ປາຍຕີນກໍເປັນໄດ້.” 
ທີ່ມາ: Canisius College News
