ການເຂົ້າເຖິງວິດຖ່າຍທີ່ໄດ້ມາດຕະຖານ ແມ່ນສິດທິພື້ນຖານຂອງພົນລະເມືອງທຸກຄົນ, ວິດຖ່າຍແມ່ນບ່ອນໜຶ່ງທີ່ຖືກນຳໃຊ້ໃນທຸກວັນ ບໍ່ວ່າຈະຢູ່ເຮືອນ, ໂຮງຮຽນ, ບ່ອນເຮັດວຽກ ແລະ ສະຖານທີ່ສາທາລະນະ ອື່ນໆ.
ວັນທີ 19 ພະຈິກ ຂອງທຸກໆປີ ແມ່ນວັນວິດຖ່າຍໂລກ (World Toilet Day) ເຊີ່ງເປັນອີກມື້ໜຶ່ງທີ່ຢໍ້າເຕືອນໃຫ້ທຸກຄົນໄດ້ຮູ້ວ່າ ຍັງມີຄົນອີກ 3.5 ຕື້ຄົນ ທີ່ມີຂໍ້ຈໍາກັດໃນການເຂົ້າເຖິງວິດຖ່າຍທີ່ໄດ້ມາດຕະຖານ ແລະ ສະອາດ ປອດໄພ.
ມັນເຖິງເວລາແລ້ວທີ່ຈະຈັດລໍາດັບຄວາມສໍາຄັນຂອງສຸຂາພິບານທີ່ສະອາດ, ປອດໄພສໍາລັບທຸກຄົນ. ອີກເທື່ອໜື່ງ, ພວກເຮົາສາມາດສະຫໜັບສະໜູນສິ່ງອໍານວຍຄວາມສະດວກທີ່ດີກວ່າ ແລະ ປູກຈິດສໍານຶກກ່ຽວກັບການເຊື່ອມໂຍງທີ່ສໍາຄັນລະຫວ່າງອະນາໄມ ແລະ ສຸຂະພາບ!
