ໃນໄວເກືອບ 90 ປີ ແມ່ຕູ້ Maryette McFarland ຈາກເມືອງ Londonderry ອຽກລັງເໜືອ ໄດ້ສຳເລັດຄວາມຝັນຕະຫຼອດຊີວິດຂອງລາວຄື: ໄດ້ຮັບໃບປະລິນຍາໂທສາຂາວັນນະຄະດີອັງກິດ ຫຼັງຈາກທີ່ລາວໄດ້ລົງທະບຽນຮຽນຢູ່ມະຫາວິທະຍາໄລເປັນຄັ້ງທຳອິດເມື່ອເຈັດທົດສະວັດກ່ອນ.
ແມ່ຕູ້ Maryette ໄດ້ປະລະການຮຽນຂອງລາວໃນຊຸມປີ 1960 ເພື່ອສຸ່ມໃສ່ການແຕ່ງງານ ແລະ ສ້າງຄອບຄົວ ແຕ່ລາວບໍ່ເຄີຍປ່ອຍຄວາມຮັກໃນການຮຽນຮູ້ໄປເລີຍ. ດ້ວຍການໃຫ້ກຳລັງໃຈຈາກລູກ, ຫຼານ ແລະ ເຫຼນຂອງລາວ ລາວໄດ້ຮຽນຫ້ອງຮຽນອອນລາຍ ຂຽນບົດຄວາມ ແລະ ຮຽນຮູ້ເຕັກໂນໂລຊີໃໝ່ໆ ເຊິ່ງໄດ້ພິສູດວ່າຄວາມຕັ້ງໃຈບໍ່ມີວັນເຖົ້າແກ່.
ການເດີນທາງຂອງລາວເປັນສິ່ງເຕືອນໃຈທີ່ອົບອຸ່ນວ່າ ມັນບໍ່ເຄີຍສາຍເກີນໄປທີ່ຈະໄລ່ຕາມຄວາມຝັນຂອງຕົວເອງ. ການສຶກສາບໍ່ມີຂີດຈຳກັດດ້ານອາຍຸ ມີພຽງແຕ່ຄວາມກ້າຫານທີ່ຈະເລີ່ມຕົ້ນໃໝ່ເທົ່ານັ້ນທີ່ເຮັດໃຫ້ຄວາມຝັນປະສົບຜົນສໍາເລັດໄດ້. ແມ່ຕູ້ຍັງກ່າວໄວ້ວ່າ: “ ຖ້າຂ້ອຍເຮັດໄດ້ ໃຜໆກໍເຮັດໄດ້ ມັນບໍ່ສາຍເກີນໄປເລີຍ”
ທີ່ມາ: bbc
