ນັກຄົ້ນຄວ້າຈາກມະຫາວິທະຍາໄລ Amsterdam ໄດ້ຄົ້ນພົບວ່າ: ສະໝອງຂອງມະນຸດຈົດຈຳຄວາມເຈັບປວດທາງອາລົມໄວ້ໄດ້ດົນກວ່າປະສົບການທີ່ດີ. ຄຳເວົ້າທີ່ເຮັດໃຫ້ເຈັບປວດສາມາດຄົງຢູ່ໃນຄວາມຊົງຈຳໄດ້ເປັນເວລາຫຼາຍສິບປີໃນຂະນະທີ່ຄຳຊົມເຊີຍມັກຈະເລືອນຫາຍໄປພາຍໃນສອງສາມອາທິດ.
ສິ່ງນີ້ເກີດຂຶ້ນຍ້ອນວ່າ ສະໝອງມີສັນຊາດຕະຍານໃນການຢູ່ລອດ ເຊິ່ງໃຫ້ຄວາມສຳຄັນກັບປະສົບການທາງລົບກ່ອນ. ສິ່ງນີ້ສ້າງການເຊື່ອມຕໍ່ຂອງເສັ້ນປະສາດທີ່ແຂງແຮງກວ່າໃນພາກສ່ວນຕ່າງໆຂອງສະໝອງເຊັ່ນ: Amygdala (ພາກສ່ວນທີ່ຄວບຄຸມອາລົມ) ແລະ Hippocampus (ພາກສ່ວນທີ່ຄວບຄຸມຄວາມຊົງຈຳ).
ນັກວິທະຍາສາດອະທິບາຍວ່າ: “ຄວາມລຳອຽງທາງລົບ” ນີ້ ເຄີຍເປັນປະໂຫຍດໃນສະໄໝກ່ອນ ເພາະມັນຊ່ວຍໃຫ້ຄົນຫຼີກລ່ຽງອັນຕະລາຍ ແຕ່ໃນປັດຈຸບັນມັນເປັນຕົ້ນເຫດຂອງຄວາມວິຕົກກັງວົນ ແລະ ການນັບຖືຕົນເອງຕໍ່າ.
ຢ່າງໃດກໍຕາມ ການປະຕິບັດຕ່າງໆເຊັ່ນ: ການຝຶກສະຕິ, ການຝຶກຄວາມກະຕັນຍູ ແລະ ການເສີມສ້າງກຳລັງໃຈທາງບວກ ສາມາດຝຶກສະໝອງໃຫ້ປັບປ່ຽນໄປເນັ້ນໃສ່ປະສົບການທີ່ຍົກລະດັບຈິດໃຈ ເຮັດໃຫ້ເຮົາສາມາດຈົດຈຳຄວາມເມດຕາໄດ້ຢ່າງແໜ້ນໜາ ຄືກັນກັບທີ່ເຮົາຈື່ຈຳຄວາມເຈັບປວດ.
ທີ່ມາ: Fact Point
