ຫ້ອງການ ກະຊວງສຶກສາທິການ ແລະ ກິລາ ຂໍຖືເປັນກຽດແຈ້ງມາຍັງພະນັກງານ ແລະ ປວງຊົນ ຊາບວ່າ:
Songkla University ປະເທດ ໄທ ສະເໜີໃຫ້ທຶນການສຶກສາແກ່ ສປປ ລາວ ຜູ້ທີ່ມີຈຸດປະສົງຢາກໄປສຶກສາຕໍ່ໃນ ລະດັບ ຫຼັງປະລິນຍາເອກ (Post Doctoral) ຫຼັກສູດການຮຽນ – ການສອນ ເປັນພາສາ ໄທ – ພາສາອັງກິດ ພາຍໃຕ້ທຶນການສຶກສາ Songkla University.
1. ເງື່ອນໄຂຂອງຜູ້ສະໝັກ
– ຜູ້ສະໝັກຕ້ອງຈົບ ປະລິນຍາເອກ ກ່ອນປີ 2020;
– ເປັນພົນລະເມືອງລາວ/ຖືສັນຊາດລາວ ອາຍຸບໍ່ເກີນ 45 ປີ;
ສໍາເນົາໃບປະກາສະນີຍະບັດໃບຄະແນນຈົບຕາມລະດັບປະລິນຍາເອກຂອງການສະໝັກ ແລະ ສຳເນົາ Passport.
II. ນະໂຍບາຍທີ່ຈະໄດ້ຮັບ
– ເບ້ຍລ້ຽງ 31,500 ບາດ ແລະ ເງິນອຸດໜູນ 3,500 ບາດ/ ເດືອນ;
– ເງິນເພີ່ມເຕີມສໍາລັບຜູ້ຮຽນດີ 5000 ບາດ/ເດືອນ;
– ຄ່າປີ້ຍົນໄປ – ກັບ ລະຫວ່າງປະເທດ.
III. ວິທີສະໝັກ
– ສ່ວນຂໍ້ມູນລາຍລະອຽດ ແລະ ສາຂາວິຊາຮຽນ, ໃຫ້ຜູ້ທີ່ສົນໃຈສະໝັກເຂົ້າເບິ່ງທີ່ເວັບໄຊ ກ້ອງຄອມເມັ້ນ.
ໄລຍະຄື:
– ໄລຍະທີ 1: ວັນທີ 01 ຕຸລາ 2025 – 31 ມິຖຸນາ 2026;
– ໄລຍະທີ 2: ວັນທີ 01 ກຸມພາ – 31 ພຶດສະພາ 2026;
– ໄລຍະທີ 3: ວັນທີ 01 ມິຖຸນາ – 30 ກັນຍາ 2026.
ຫຼັງຈາກທີ່ທ່ານຖືກຄັດເລືອກຈາກຜູ້ໃຫ້ທຶນ ແລະ ໄດ້ຮັບທຶນການສຶກສາ, ສະເໜີໃຫ້ທ່ານພົວພັນເອົາເອກະ ສານ ເພື່ອດໍາເນີນການອອກຂໍ້ຕົກລົງອະນຸມັດໃຫ້ໄປສຶກສາຕໍ່ທີ່ຕ່າງປະເທດຕາມລະບຽບຫຼັກການ.
ດັ່ງນັ້ນ, ຈຶ່ງແຈ້ງມາຍັງທົ່ວປວງຊົນເພື່ອຊາບ ແລະ ດໍາເນີນການສະໝັກໃຫ້ທັນເວລາດ້ວຍ.
