1. ສ້າງນັກທຸລະກິດໜຸ່ມ ເພື່ອສ້າງເສດຖະກິດເອກະລາດ ເປັນເຈົ້າເອງ
ນັກທຸລະກິດໜຸ່ມຕ້ອງເປັນກຳລັງສຳຄັນ ແລະ ເປັນຕົ້ນແບບໃນການຈັດຕັ້ງມະຕິ 04/ກມສພ ໃຫ້ເກີດຜົນເປັນຮູບປະທຳ; ເນັ້ນການຜະລິດພາຍໃນ, ຫຼຸດຜ່ອນການນຳເຂົ້າ, ສ້າງມູນຄ່າເພີ່ມ ແລະ ຍົກສູງສິນຄ້າລາວໃຫ້ສາມາດແຂ່ງຂັນໄດ້.
2. ສ້າງ “Big Data” ເພື່ອຮູ້ຈັກທຸລະກິດໜຸ່ມຢ່າງເລິກເຊິ່ງ
ເລັ່ງພັດທະນາເວັບໄຊ, ລະບົບຖານຂໍ້ມູນ ແລະ Big Data ດ້ານທຸລະກິດໜຸ່ມ ໃຫ້ມີຂໍ້ມູນທີ່ຄົບຖ້ວນ, ທັນສະໄໝ ແລະ ນຳໃຊ້ໄດ້ຈິງ; ຈາກນັ້ນນຳຂໍ້ມູນມາວາງແຜນ, ເຊື່ອມໂຍງເຄືອຂ່າຍ ແລະ ຈັບຄູ່ທຸລະກິດໃຫ້ເກີດໂອກາດໃໝ່.
3. ນຳ AI ແລະ Digital Platform ມາເປັນເຄື່ອງມືສ້າງທຸລະກິດຍຸກໃໝ່
ສົ່ງເສີມນັກທຸລະກິດໜຸ່ມໃຫ້ນຳ AI, Digital Platform ແລະ ເຕັກໂນໂລຊີໃໝ່ໆມາໃຊ້ໃນການບໍລິຫານ, ການຜະລິດ, ການຕະຫຼາດ ແລະ ການຄ້າ; ເພື່ອຫຼຸດຕົ້ນທຶນ, ເພີ່ມຜະລິດຕະພາບ, ເປີດຕະຫຼາດໃໝ່ ແລະ ເພີ່ມຂີດຄວາມສາມາດໃນການແຂ່ງຂັນ.
4. ສ້າງກອງທຶນພັດທະນາ ສທໜລ ເພື່ອໃຫ້ “ມີໄອເດຍ ຕ້ອງມີທຶນ”
ເລັ່ງສ້າງນິຕິກຳ ແລະ ກົນໄກການເງິນທີ່ເໝາະສົມ ເພື່ອຈັດຕັ້ງກອງທຶນພັດທະນາ ສທໜລ; ສ້າງໂອກາດໃຫ້ Startup, SME ແລະ ທຸລະກິດໜຸ່ມເຂົ້າເຖິງທຶນ, ສິນເຊື່ອ, ທຶນໝູນວຽນ ແລະ ແຫຼ່ງທຶນອື່ນໆໄດ້ງ່າຍ, ໂປ່ງໃສ ແລະ ມີປະສິດທິຜົນ.
5. ສ້າງຈິດໃຈ “ເປັນເຈົ້າຕົນເອງ – ຮັບຜິດຊອບຕໍ່ຊາດ – ເຕີບໃຫຍ່ໄປພ້ອມກັນ”
ປູກຝັງທັດສະນະຄະຕິໃຫ້ນັກທຸລະກິດໜຸ່ມມີຄວາມກ້າຄິດ, ກ້າສ້າງ, ກ້າຮັບຜິດຊອບ ແລະ ພຶ່ງພາຕົນເອງ; ນຳເອົາສັກກະຍະພາບທີ່ຫຼາກຫຼາຍມາຫຼອມລວມເປັນພະລັງແຫ່ງຄວາມສາມັກຄີ, ສ້າງວັດທະນະທຳອົງກອນທີ່ເຂັ້ມແຂງ, ມີຈັນຍາບັນ ແລະ ສ້າງທຸລະກິດໃຫ້ເຕີບໃຫຍ່ຂະຫຍາຍຕົວຢ່າງຍືນຍົງ ຄຽງຄູ່ກັບການພັດທະນາປະເທດ.
