ໃນໂອກາດການຢ້ຽມຢາມ ສສ ຫວຽດນາມ ຢ່າງເປັນທາງການຂອງ ທ່ານ ນາງ ຊານາເອະ ທາຄາອິຈິ ນາຍົກລັດຖະມົນຕີແຫ່ງຍີ່ປຸ່ນ, ທັງສອງປະເທດໄດ້ຮ່ວມກັນລົງນາມໃນເອກະສານຄວາມຮ່ວມມືທີ່ສຳຄັນຫຼາຍສະບັບ ເພື່ອຍົກລະດັບສາຍພົວພັນຄູ່ຮ່ວມຢຸດທະສາດຮອບດ້ານໃຫ້ແໜ້ນແຟ້ນຍິ່ງຂຶ້ນ.
ດ້ານເຕັກໂນໂລຊີອາວະກາດ ແລະ ດິຈິຕອນ:
ລົງນາມໃນຂໍ້ຕົກລົງແລກປ່ຽນຂໍ້ມູນດາວທຽມ ລະຫວ່າງ ສູນອາວະກາດແຫ່ງຊາດຫວຽດນາມ ແລະ ອົງການອາວະກາດຍີ່ປຸ່ນ (JAXA).
ຊຸກຍູ້ການຫັນເປັນດິຈິຕອນ ແລະ ເຕັກໂນໂລຊີການສື່ສານ (ICT).
ການວິໄຈອຸດສາຫະກຳຊິບ ແລະ ເຄິ່ງຊັກນຳ (Semiconductors):
ເປີດຕົວ 15 ໂຄງການວິໄຈຮ່ວມກັນ ພາຍໃຕ້ໂຄງການ NEXUS³ ເພື່ອພັດທະນາລະບົບນິເວດອຸດສາຫະກຳຊິບ ແລະ ປັນຍາປະດິດ (AI).
ໂຄງລ່າງພື້ນຖານ ແລະ ການປ່ຽນແປງສະພາບອາກາດ:
ຍີ່ປຸ່ນໃຫ້ການສະໜັບສະໜູນທຶນກູ້ຢືມ (ODA) ສຳລັບໂຄງການພັດທະນາຊົນນະບົດໃຫ້ມີຄວາມທົນທານຕໍ່ໄພພິບັດທາງທຳມະຊາດ.
ຮ່ວມມືດ້ານການເຕີບໂຕແບບຄາບອນຕ່ຳ ເພື່ອຮັບມືກັບການປ່ຽນແປງສະພາບອາກາດ.
ເປົ້າໝາຍທາງດ້ານເສດຖະກິດ:
ທັງສອງຝ່າຍຕັ້ງເປົ້າໝາຍຍົກລະດັບມູນຄ່າການຄ້າສອງຝ່າຍໃຫ້ບັນລຸ 60 ຕື້ໂດລາ ແລະ ດຶງດູດການລົງທຶນຈາກຍີ່ປຸ່ນໃຫ້ໄດ້ 5 ຕື້ໂດລາຕໍ່ປີ ພາຍໃນປີ 2030.
ທ່ານ ເລມິງຮຶງ ນາຍົກລັດຖະມົນຕີຫວຽດນາມ ໄດ້ເນັ້ນໜັກວ່າ ການຢ້ຽມຢາມຄັ້ງນີ້ແມ່ນຂີດໝາຍສຳຄັນທີ່ສ້າງກຳລັງຂັບເຄື່ອນໃໝ່ ໃຫ້ແກ່ການຮ່ວມມືດ້ານຄວາມໝັ້ນຄົງທາງເສດຖະກິດ, ພະລັງງານ ແລະ ເຕັກໂນໂລຊີຂັ້ນສູງ.
ໃນຂະນະດຽວກັນ, ທ່ານ ນາງ ຊານາເອະ ທາຄາອິຈິ ກໍໄດ້ຢືນຢັນວ່າ ຫວຽດນາມແມ່ນຄູ່ຮ່ວມງານທີ່ສຳຄັນໃນຍຸດທະສາດ “ອິນໂດ-ປາຊີຟິກ ທີ່ເສລີ ແລະ ເປີດກວ້າງ” (FOIP) ແລະ ຍີ່ປຸ່ນພ້ອມທີ່ຈະຖ່າຍທອດເຕັກໂນໂລຊີ ເພື່ອຊ່ວຍໃຫ້ຫວຽດນາມກ້າວຂຶ້ນເປັນສ່ວນໜຶ່ງທີ່ສຳຄັນຂອງຕ່ອງໂສ້ອຸປະທານໂລກ.
ແຫຼ່ງຂໍ້ມູນ: VnExpress
Lao Youth Radio FM90MHz
