ຂະແໜງການທ່ອງທ່ຽວຂອງຫວຽດນາມໄດ້ສ້າງປະຫວັດສາດໃໝ່ດ້ວຍຕົວເລກນັກທ່ອງທ່ຽວຕ່າງປະເທດສູງສຸດເປັນປະຫວັດການໃນໄຕມາດທີ 1 (ນັບແຕ່ເດືອນມັງກອນ – ມີນາ) ຂອງປີ 2026 ເຊິ່ງສະທ້ອນໃຫ້ເຫັນເຖິງການຟື້ນຕົວ ແລະ ການເຕີບໂຕຢ່າງແຂງແຮງຂອງການທ່ອງທ່ຽວໃນພາກພື້ນ.
ຕົວເລກທີ່ໜ້າສົນໃຈ:
ຍອດລວມນັກທ່ອງທ່ຽວ: 6.76 ລ້ານຄົນ (ເພີ່ມຂຶ້ນ 12.4% ເມື່ອທຽບໃສ່ໄລຍະດຽວກັນຂອງປີຜ່ານມາ).
ສະຖິຕິລາຍເດືອນ: ໃນເດືອນມີນາພຽງເດືອນດຽວ ມີນັກທ່ອງທ່ຽວເຂົ້າມາເກືອບ 2.1 ລ້ານຄົນ, ເຊິ່ງຖືເປັນເດືອນທີ 3 ຕິດຕໍ່ກັນທີ່ຕົວເລກເກີນ 2 ລ້ານຄົນ.
ຊ່ອງທາງການເດີນທາງ:
ທາງອາກາດ: 82.3% (5.56 ລ້ານຄົນ)
ທາງບົກ: 15.5% (1.05 ລ້ານຄົນ – ເພີ່ມຂຶ້ນເຖິງ 53%)
ທາງເຮືອ: 2.2%
ຕະຫຼາດນັກທ່ອງທ່ຽວທີ່ສຳຄັນ:
ຈີນ: 1.4 ລ້ານຄົນ
ສ. ເກົາຫຼີ: 1.32 ລ້ານຄົນ 
ຕະຫຼາດທີ່ເຕີບໂຕແຮງ: ອິນເດຍ ແລະ ຟີລິບປິນ (ເພີ່ມຂຶ້ນກວ່າ 169%), ລວມທັງ ອິນໂດເນເຊຍ (ເພີ່ມຂຶ້ນ 144%).
ພາກພື້ນເອີຣົບ: ມີອັດຕາການເຕີບໂຕໄວທີ່ສຸດ, ໂດຍສະເພາະນັກທ່ອງທ່ຽວຈາກຣັດເຊຍ ທີ່ເພີ່ມຂຶ້ນຢ່າງກ້າວກະໂດດເຖິງ 294.5%.
ປັດໄຈທີ່ເຮັດໃຫ້ປະສົບຜົນສຳເລັດ:
ນະໂຍບາຍວີຊ່າ: ການເປີດກວ້າງນະໂຍບາຍວີຊ່າ ແລະ ການຍົກເວັ້ນວີຊ່າທີ່ສະດວກສະບາຍຂຶ້ນ.
ຄວາມປອດໄພ: ຫວຽດນາມຖືກເບິ່ງວ່າເປັນຈຸດໝາຍປາຍທາງທີ່ໝັ້ນຄົງ ແລະ ປອດໄພໃນທ່າມກາງສະຖານະການໂລກທີ່ຜັນຜວນ.
ການສົ່ງເສີມການທ່ອງທ່ຽວ: ການຈັດກິດຈະກຳໂປຣໂມຊັນ ແລະ ການປັບປຸງຄຸນະພາບການບໍລິການທີ່ຫຼາກຫຼາຍ.
ເປົ້າໝາຍໃນປີ 2026: ຫວຽດນາມຕັ້ງເປົ້າໝາຍຈະຕ້ອນຮັບນັກທ່ອງທ່ຽວຕ່າງປະເທດໃຫ້ໄດ້ທັງໝົດ 25 ລ້ານຄົນ ພາຍໃນໝົດປີນີ້!
ແຫຼ່ງຂໍ້ມູນ:VnExpress
Lao Youth Radio FM90MHz
